Борщ кӱні ирт парды пу чечімеде Алтай аймааның Чынай алай ба Кирово аалында.

Пӱӱл ол анда 7-ҷі хати иртірілді. Улукунде 2 хазанда ах борщ пызырылған. 200 литрге 20 кг сосха иді, яблах, капуста, морковь паза муксум салылған. Аннаң пасха, 7 литр чарым ӧр1ңме паза 3 кӧнек сухарь(хургатхан халас) тимнелген.
Ах борщха свёкланың орнына пшено салылчатыр.
Пу ӱгре Нина Степановна Сидорованың рецепті хоостыра тимнелген. Аның улуғлары пу аалзар 1910 чылда Украинадаң кӧс килтірлер. Ол тустаң пеер ах борщ оларның сӧбірелер1нде сыбыра тимнелчет1р.
Пӱӱлгі ах борщ кулинарнай рекордха кирілген. Аны Новосибирсктегі шеф-поварларның ассоциациязының вице-президенті Юлия Литвиненко паалаан.
Борщ кӱні Чынай аалның культура туразы алнында ирткен. Пу угре пызырылчатхан туста алайда алғыстастар паза чайаачы кӧзідіглер полғаннар. Олох туста ас-тамахтың паза узанчыхтарның садии иртке,мастер-класстар апарылғаннар. Ол санда, пілектестер мастер-клазы ирт1р1лген. Аны Хойбал аалдағы школаның пастағлығ класстар ӱгретчізі Лариса Анатольевна Чертыкова иртірген. Пу угретч1 школада 30 чыл істен парир. Аннаң пасха, ол кииснең, нинҷілернең узанчатыр.
Ӱлӱкӱннең аймахтың паза Чынай аалның чуртағҷыларын Алтай аймааның депутаттар Чӧбінің кнезі Леонид Герасимович Чаптыков алғыстаан.#ХакасРадио