Там тыӆащан Константин Егорович Русмиленко Российской Федерация сельской хозяйство Министерства эӆты Почётной грамотайн «За многолетний и добросовестный труд в системе агропромышленного комплекса» мойӆаптаса.
Константин Егорович Тюменской областян Ӆорвош районан Хунгобанюрм нэмпи юртаятан ар няврэмаң вуӆы ёх семьяйн сэма питас. Ащеӆ, Егор Иванович Русмиленко, Ун Ляльн ус. Аңкеӆ, Дарья Алексеевна Нялимова, труженик тыӆа нэм тайс, Ун Ляль порайн рупитас. Аратаӆ Овс мув шимӆаң мир няврэмат иты Константин Горки воша утаӆтыты китса, интернатан ус, каникулы порайн аңкеӆ-ащеӆ хоща Кушават курта ёхтыӆыйс.
Аратаӆан семьяеӆан ихощъяң няврэм ус, оӆаң па мет ёӆта няврэмат кутан пиӆаң няврэмат усат. Ӆапат няврэм уна энмиӆысат, ӆув кутэӆан Константин Егорович – ветмет няврэм, Галина опеӆ юпийн, щи юпийн Максим, Ксения, Василий, Тимофей па Тамара. Арпелак таӆ ху апщиӆаӆ па опеӆ Ӆорвош район «Горковский» совхозан рупитсат, кат нэ апщеӆ ай леккара рупитсаңан. Итӆ ин Тюмень вошан, киметаӆ ху сая манас па Германия мува касӆас. Уӆтэӆ сыс хоӆ ияха шеңк яма уӆӆат, икуӆатан семьяйӆаӆ пиӆан уйтантыӆат, емаң хатӆат ияха постыӆат, ханты мир уӆапса ант ёрэмиӆат па еӆӆы туӆат. Там рупатая Константин Егорович 1979-мет таӆан ёхтас. Мет оӆаңан ӆув рулевой-моториста ус. Щаӆта, Пулңават вош ДОСААФ етшаптамаӆ юпийн, оӆаң штурман па оӆаң механик диплом ёша пайтас. 1989-мет таӆан «Северный» теплоход кущая понтса, капитана йис.
Ӆув нях каша «Северный» теплоход ханты хопа айӆӆаӆӆы, ванты щита апщиӆаӆ па хиӆыӆаӆ ищи рупитсат – хуӆмаӆ судоводителя йисат. Аратаӆан няӆ хоятан, Константин Егорович па ӆув командайӆ, катеран пормасат Ӆорвош район ӆоватан торан монталэт, нёхи, хуӆ, тутъйиңк, ӆашкупат таӆӆысат.
Там хатаӆ унты ӆув хонна «Северный» теплоходан рупитаӆ. Кашң пуш нумаӆмиӆӆы, хоты 1989-мет таӆан ярославской завод эӆты яӆап па хорамаң хопаӆ туса. Хащам таӆатан арпелак хуӆ таӆӆыман Ӆорвош район ӆоватан тайӆа.
2005-2007-мет таӆатан Константин Егорович МО «Горковское» депутата пирыӆыса. Куртаң хоятат уӆапса ямашак верты ураңан ар верман уса. Щи тумпийн кашң пуш многоборье па ӆохан хатмиты касапсаята пиӆтащийӆ: Тюмень, Пулңават, Ӆапатнаңк, Муши па Горка вош.
Горка вошан Турам хот валэмиман уӆ, па хоятат пиӆан щита ӆонщ хирыӆыйӆ, торан сэврыӆыйӆ, курт харэӆ па ӆыпеӆ ӆэщатыйӆ. Пулңават вошан уӆты Дмитрий пуп ики пиӆан уйтантыйӆ. Там йисан моӆты верат интернет мохты верты рахаӆ, щишан Константин Егорович щи мутрайӆ ищи утаӆтасӆы. Онлайн диктантат ханшаӆ. Хуӆ па вой веӆпасӆаты вер ёрэмаман ант тайӆаӆӆы, кум шиттаӆан иса яңхиӆыйӆ. Ӆохан хатмийӆ па велосипедан яңхиӆыйӆ. Ӆуңан хот пуңаӆан картопка хар ӆарпитыйӆ, помидорат, огурцат па турамсот щурнет энмаӆтыйӆ. Наңк па пащар юхат хот пуңӆаӆан энамӆат, хомс, шупши па малина – иса тэӆыя. Константин Егорович ищи ун семья тайӆ. Эвиӆаӆ уна йисат. Ун эвеӆ Ольга Пулңават вошан провизор-технолога ГКУ ЯНАО «Центр ресурсного
обеспечения в сфере здравоохранения» рупитаӆ, Надежда ГБУЗ ЯНАО «Лабытнангская городская больница» хоща фельдшера уӆ, Анна эвеӆ Горка вошан агропромышленный комплекс хоща рупитаӆ. Ай похаӆ Антон ФГБОУ ВО «Тюменский индустриальный университет» аспирантурайн утаӆтыйӆ. Константин Егорович кашң пуш похаӆ хоща Тюмень воша яңхиӆыйӆ, вошаң уӆапса ӆув хощайӆ ант ӆэщаӆаӆ. Ищипа самаӆ ёхи вуратаӆ. Рупитмаӆ сыс Ӆорвош район па ЯНАО Губернатор Почётный грамотаятан мойӆыӆыса, Благодарственной письмайт кашң пуш вуйӆыйс. Муң ищи мойӆапса ясаң китӆув. Константин Егорович, тумтака уӆа, аӆ мушита! Ойңа-пищаңа, йисаңа-нуптаңа!
ЛУХ АВТ - газета на ханты языке
Аратаӆ мирна уйтӆа
Там тыӆащан Константин Егорович Русмиленко Российской Федерация сельской хозяйство Министерства эӆты Почётной грамотайн «За многолетний и добросовестный труд в системе агропромышленного комплекса» мойӆаптаса.
Константин Егорович Тюменской областян Ӆорвош районан Хунгобанюрм нэмпи юртаятан ар няврэмаң вуӆы ёх семьяйн сэма питас. Ащеӆ, Егор Иванович Русмиленко, Ун Ляльн ус. Аңкеӆ, Дарья Алексеевна Нялимова, труженик тыӆа нэм тайс, Ун Ляль порайн рупитас.
Аратаӆ Овс мув шимӆаң мир няврэмат иты Константин Горки воша утаӆтыты китса, интернатан ус, каникулы порайн аңкеӆ-ащеӆ хоща Кушават курта ёхтыӆыйс.
Кушавт куртан энмас, катхощъяң таӆ вуш эӆты сельской хозяйство щиран рупитас. Аңкеӆ-ащеӆ ӆован мув картопка харат хирмеӆ порайн, ӆув няврэмат пиӆан ищи щита нётас. Щурнет па картопка энмаӆсат, вой-хуӆ веӆпасӆасат.
1969-мет таӆан хотаң хоятӆаӆ пиӆан Горки воша касаӆсат, хота Константин Егорович 1975-мет таӆан Горковской кутоп ашкуӆа етшаптасӆы.
Ашкуӆа юпийн нумасас таӆ сыс рупитты па ох шитты, ветеринара еӆӆы утаӆтыты ураңан. Туп вер па щиран керӆас, 1975-1978-мет таӆатан армияя вохса, Дальний Востокан Тихоокенской флотан гидрографической службайн ус.
Аратаӆан семьяеӆан ихощъяң няврэм ус, оӆаң па мет ёӆта няврэмат кутан пиӆаң няврэмат усат. Ӆапат няврэм уна энмиӆысат, ӆув кутэӆан Константин Егорович – ветмет няврэм, Галина опеӆ юпийн, щи юпийн Максим, Ксения,
Василий, Тимофей па Тамара. Арпелак таӆ ху апщиӆаӆ па опеӆ Ӆорвош район «Горковский» совхозан рупитсат, кат нэ апщеӆ ай леккара рупитсаңан. Итӆ ин Тюмень вошан, киметаӆ ху сая манас па Германия мува касӆас. Уӆтэӆ сыс хоӆ ияха шеңк яма уӆӆат, икуӆатан семьяйӆаӆ пиӆан уйтантыӆат, емаң хатӆат ияха постыӆат, ханты мир уӆапса ант ёрэмиӆат па еӆӆы туӆат.
Там рупатая Константин Егорович 1979-мет таӆан ёхтас. Мет оӆаңан ӆув рулевой-моториста ус. Щаӆта, Пулңават вош ДОСААФ етшаптамаӆ юпийн, оӆаң штурман па оӆаң механик диплом ёша пайтас. 1989-мет таӆан «Северный» теплоход кущая понтса, капитана йис.
Ӆув нях каша «Северный» теплоход ханты хопа айӆӆаӆӆы, ванты щита апщиӆаӆ па хиӆыӆаӆ ищи рупитсат – хуӆмаӆ судоводителя йисат.
Аратаӆан няӆ хоятан, Константин Егорович па ӆув командайӆ, катеран пормасат Ӆорвош район ӆоватан торан монталэт, нёхи, хуӆ, тутъйиңк, ӆашкупат таӆӆысат.
Там хатаӆ унты ӆув хонна «Северный» теплоходан рупитаӆ. Кашң пуш нумаӆмиӆӆы, хоты 1989-мет таӆан ярославской завод эӆты яӆап па хорамаң хопаӆ туса. Хащам таӆатан арпелак хуӆ таӆӆыман Ӆорвош район ӆоватан тайӆа.
2005-2007-мет таӆатан Константин Егорович МО «Горковское» депутата пирыӆыса. Куртаң хоятат уӆапса ямашак верты ураңан ар верман уса. Щи тумпийн кашң пуш многоборье па ӆохан хатмиты касапсаята пиӆтащийӆ: Тюмень, Пулңават, Ӆапатнаңк, Муши па Горка вош.
Горка вошан Турам хот валэмиман уӆ, па хоятат пиӆан щита ӆонщ хирыӆыйӆ, торан сэврыӆыйӆ, курт харэӆ па ӆыпеӆ ӆэщатыйӆ. Пулңават вошан уӆты Дмитрий пуп ики пиӆан уйтантыйӆ.
Там йисан моӆты верат интернет мохты верты рахаӆ, щишан Константин Егорович щи мутрайӆ ищи утаӆтасӆы. Онлайн диктантат ханшаӆ. Хуӆ па вой веӆпасӆаты вер ёрэмаман ант тайӆаӆӆы, кум шиттаӆан иса яңхиӆыйӆ. Ӆохан хатмийӆ па велосипедан яңхиӆыйӆ. Ӆуңан хот пуңаӆан картопка хар ӆарпитыйӆ, помидорат, огурцат па турамсот щурнет энмаӆтыйӆ. Наңк па пащар юхат хот пуңӆаӆан энамӆат, хомс, шупши па малина – иса тэӆыя.
Константин Егорович ищи ун семья тайӆ. Эвиӆаӆ уна йисат. Ун эвеӆ Ольга Пулңават вошан провизор-технолога ГКУ ЯНАО «Центр ресурсного
Рупитмаӆ сыс Ӆорвош район па ЯНАО Губернатор Почётный грамотаятан мойӆыӆыса, Благодарственной письмайт кашң пуш вуйӆыйс.
Муң ищи мойӆапса ясаң китӆув. Константин Егорович, тумтака уӆа, аӆ мушита! Ойңа-пищаңа, йисаңа-нуптаңа!