Произошла проблема с интернетом
Войти
|
Регистрация
ЛУХ АВТ - газета на ханты языке
5 авг 2018
Хул велты ай ёх
Куш хота улман, ханты хоятат иса хул лэвман усат: воошан улты мохет, куртатан, вулы хотан ищи муйкем верытлат, хул веллат.
Елпи ащем – антем пилан тащ хотан янгхмеван, ащем иса хул веллийс. Хотан улты па ёх хул велты верат пела вер ант тайлат, ащем па етан иса няшилыман янгхас. Янгхал па тасан арат хул халы хиралан иса тул, щита кев хот хулат воланг янгхлат, туп йишан, йишан ханшанг хулат питылылат. Утща янгхты ищи иса марэмала тангха, хой йишан ёх элты матты ху вохал, хун хул яма манал. Холап ёхан кат пелак элты малнгат хуват таллилат. Мунг, щи порайн няврэмат, ищи лув пиллалан янгхлув, матты нётлув.
Щиел пела вантман, хотан улты похлув ищи лув щирлалан хул велты тангха лытлайт. Няньверка ёхан сылан усув. Ёхан нумпи элты, лунг улты хотволэв унты сойм овс, щи сояман нялкат усат – сурс элты еша хувшакат. Ай ёхлув номпса пайтмел, хоты рахал лэты арат нялк каталты.
Улталты хир ловат нови сэвам хир (хой мохет ясталат щещ хир) ула, овал ващ варс элты кусыйн ярла. Ёхан сыл соймев малнг юкан отлал холаты тахайт кеван лоп понлаллув, кутапан хирэв каталты арат места хащл. Муя сэвам хир ула – сэвам хир ванты усат тайл, услал мохты йингк манал, иса машья хир ула ки, хоятан каталты ант верытла, ован тула.
Щиты мунг хотэван улам, похат, эвет яха актащисув, сойма шушсув. Муй арат хоят манл, хол велпаслыман онтас версат. Шимал хоят ки, хир йи хоятан каталла, ар хоят ки кат хоятан – пиланга кеншак. Хащам хоятат маланг нумпия манлат, щилта хул нюхаллат.
Хой сурнг резина сопекан – кутап элты шушал, хой питар элты варасан нюхалал. Щиты хир каталты хоятлув унты манлув. Йи маланган янгкем хул, кимет маланган каматса хул, щиты етна лэты арат веллув. Хотэван хулам семья усув, хулма ортлаллув па хулам лопсах лэтот каварты (сковорода) ана иса тармас.
Щиты мунг няврэма улмеван пора хайсув. Щимащ мунг хул велты ай ёх усув.
Валентина РОХТЫМОВА ханшам потар па верам хор
0
Комментарии
Комментариев нет.
Обновить
Для того чтобы оставить комментарий,
войдите
или
зарегистрируйтесь
ЛУХ АВТ - газета на ханты языке
Хул велты ай ёх
Улталты хир ловат нови сэвам хир (хой мохет ясталат щещ хир) ула, овал ващ варс элты кусыйн ярла. Ёхан сыл соймев малнг юкан отлал холаты тахайт кеван лоп понлаллув, кутапан хирэв каталты арат места хащл. Муя сэвам хир ула – сэвам хир ванты усат тайл, услал мохты йингк манал, иса машья хир ула ки, хоятан каталты ант верытла, ован тула.
Щиты мунг хотэван улам, похат, эвет яха актащисув, сойма шушсув. Муй арат хоят манл, хол велпаслыман онтас версат. Шимал хоят ки, хир йи хоятан каталла, ар хоят ки кат хоятан – пиланга кеншак. Хащам хоятат маланг нумпия манлат, щилта хул нюхаллат.
Хой сурнг резина сопекан – кутап элты шушал, хой питар элты варасан нюхалал. Щиты хир каталты хоятлув унты манлув. Йи маланган янгкем хул, кимет маланган каматса хул, щиты етна лэты арат веллув. Хотэван хулам семья усув, хулма ортлаллув па хулам лопсах лэтот каварты (сковорода) ана иса тармас.
Щиты мунг няврэма улмеван пора хайсув. Щимащ мунг хул велты ай ёх усув.
Валентина РОХТЫМОВА ханшам потар па верам хор