«Парны танец у адзіночку» Алена Кузняцова

Рэжысёр і выканаўца - Святлана Аляксеева
Яна: бамжыха, пакаёўка, купчыха, царыца, шаманка, Жанчына.
Гераіня спектакля - адзінокая, жанчына, якая зусім папусцілася, - патрапіўшы выпадкова ў тэатральную касцюмерную, прымярае на сябе розныя касцюмы, становячыся то царыцай, то пакаёўкай. Але ўласны няўдалы лёс не прыкрыць ніякай вопраткай...
Святлана Аляксеева тэатрам пачала займацца ў 13 гадоў у юнацкай студыі пры народным тэатры г.Барысава. Скончыла рэжысёрскае аддзяленне Мінскага вучылішча мастацтваў і культуры. З 1992 г. звязала сваю прафесійную дзейнасць з дзіцячым тэатрам, працуючы са школьнымі калектывамі.
Да 2012 г. з'яўлялася актрысай Заслужанага аматарскага тэатра «Видарыс» (г.Барысаў, Мінская вобл.). Сыграла ў ім больш за 20 роляў. У 2006г. атрымала «Лепшую жаночую ролю" на фестывалі "Бярэзінская рампа» за ролю Разаліны ў спектаклі «У Вероне карнавал ...» (па Г.Горыну). Паставіла ў калектыве некалькі казак.
З 2015 г. з'яўляецца рэжысёрам узорнага юнацкага тэатра-студыі «Гармонія» пры Полацкім гарадскім палацы культуры.