2019 жылдың 7 қыркүйек күні, сағат 10:00-де БҚО денсаулық сақтау басқармасының, «БҚО салауатты өмір салтын қалыптастыру орталығы» ЖШС ұйымдастыруымен және «SENIM «Денсаулық сақтау жүйесі қызметкерлерінің салалық кәсіптік одағы» РҚБ БҚО филиалы, «Центр семьи «Ақ отау» ҚБ, «Академия ЗОЖ» ҚБ қолдауымен, Батыс Қазақстан Жоғары медицина колледжі базасында «Денсаулық сандарына жет!

» ұранымен Денсаулық фестивалі кең ауқымды акциясы өтті.
Денсаулық фестивалі кең ауқымды акциясының мақсаты: қоғамның, көптеген тұрғындардың белсенді өмір салтын жүргізуге назарларын аудару, әртүрлі жас санаттарындағы тұрғындардың денсаулық үшін қимыл белсенділігінің артықшылықтары туралы хабардар болуын арттыру, сонымен қатар, ДДСҰ сарапшыларының ұсыныстарына сәйкес күнделікті жеткілікті дене белсенділігі дағдыларын қалыптастыру болып табылады.
Акция барысында: медициналық қалашықтың жұмысы ұйымдастырылып, барлық ниет танытқан қала тұрғындарына қан қысымын өлшеу, жүре пайда болған иммундық тапшылық синдромы ауруына экспресс диагностикасын жасау, дене салмағын өлшеу арқылы дененің артық салмағын анықтау (индекс Кетле), кардиолог, жалпы тәжірибе дәрігерлер кеңесін алу сияқты жұмыстар жүргізілді. Сонымен бірге спорттық сайыстар, дене жаттығулары, концерттік бағдарламалар, жүлделі викторина өткізіліп, ақпараттық білім беру материалдары таратылды. Барлығы 300-ден астам адам қамтылды.