💝 ЧУДОТВОРНАЯ ИКОНА БОГОРОДИЦЫ УМИЛЕНИЕ СЕБЕЖСКАЯ (ОПОЧЕЦКАЯ)

ПРАЗДНОВАНИЕ: 27 марта/14 марта (по старому стилю)
Пред иконой Пресвятой Богородицы Себежская (Опочецкая) молятся об исцелении от недугов телесных и душевных, о защите от иноплеменных и иноверных, о покровительстве воинов.
ИСТОРИЯ
Издревле икона считалась покровительницей стрельцов псковской крепости г.Себеж. Когда Себеж по договору перешёл Польше (по условиям договора от 14 июля 1634 года между царем Михаилом Феодоровичем и польским королем Владиславом Сигизмундовичем), стрельцы ушли в г.Опочку и унесли с собой Себежскую икону Божией Матери. Была она поставлена в Преображенском соборе Опочки и в 1634 году на первой седмице Великого поста, и в июле от неё были знамения: из очей проистекали слёзы. Сохранились письменные свидетельства о многочисленных исцелениях от иконы.
14 и 16 марта 1861 года (в понедельник и среду первой седмицы Великого поста, а также на Вербной и Страстной седмицах) от образа было знамение: из очей Пресвятой Богородицы Исходили слезы («излия слезы, яко струп»). Знамение это повторилось в июле следующего года. Тогда же, в 1682 году, попечением Опочецкого воеводы Герасима Феодотовича Лазарева-Станищева была составлена служба Себежской (Опочецкой) иконе, ежегодно совершавшаяся в Опочецком Спасо-Преображенском соборе 14/27 марта.
В Преображенском храме Опочки икона, которую местные жители стали называть Опочецкой, хранилась до 1917 года. После революции чудотворный образ бесследно исчез.
В 2004 году, трудами благочинного церквей Невельского округа Псковской епархии протоиерея Петра Нетребы, по благословению архиепископа Псковского и Великолукского Евсевия (Саввина), было восстановлено почитание Себежской (Опочецкой) иконы Божией Матери, утраченной в дни лихолетий. Мастерами Троице-Сергиевой Лавры по фотографиям была написана копия этого честного образа для Свято-Троицкого храма г.Себежа. В 2005 году, в день празднования иконы, трудами уроженца Опочки Сергия Геннадьевича Измакова был написан и принесен список этого образа и в его родной город, и поставлен в строящемся храме Преображения Господня.
На полях Себежской (Опочецкой) иконы Божией Матери изображён архидиакон Стефан, которого себежские стрельцы избрали своим покровителем, и праведный Симеон Богоприимец.
В дореволюционных изданиях сообщается об иконе Себежская из деревни Липки Смоленской губернии, но, возможно, речь идёт о совсем другом образе.
💕 МОЛИТВЫ
Тропарь Пресвятой Богородице пред иконой Ея «Себежской», называемой «Умиление», глас 8
Взы́дем, правосла́внии наро́ди гра́да Опо́чки,/ на ту́чную го́ру, я́ко на Фаво́рскую,/ в дом Спаси́теля своего́, в честь боголе́пнаго Преображе́ния Его́,/ оби́лующу чуде́с и стокра́тный клас израсти́вшую,/ и у́зрим сла́ву чудесе́ от чудотво́рнаго о́браза/ Пресвяты́я Богома́тере Умиле́ния Се́бежския:/ я́ко мо́ре пролия́ся и Евфра́т, теки́й из рая́,/ та́ко сле́зы Ея́ бы́ша, из обою́ оку́ пролиты́я,/ о наше́дшем гне́ве Созда́теля Своего́ за на́ше согреше́ние,/ припаде́м, каменносерде́чнии, и возрыда́ем, прося́ще:/ о, Влады́чице, умоли́ Сы́на Своего́ и Го́спода на́шего/ си́ми пресвяты́ми Свои́ми слеза́ми,/ да изба́вит нас от вся́каго зла́го обстоя́ния,/ и о́гненнаго запале́ния, и междоусо́бныя бра́ни,/ от мо́ра и гла́да,/ и наше́ствия иноплеме́нных в гряду́щия времена́,/ и, ра́дующеся, со Гаврии́лом благове́стником возопие́м Ти:// ра́дуйся, Обра́дованная, Госпо́дь с Тобо́ю.
Перевод: Взойдем, православные христиане города Опочки, на тучную гору (Пс.67:16), как на Фавор, в дом Спасителя своего, в честь достойного Бога Преображения Его, обильную чудесами и произрастившую колос стократно, и увидим славу чудес от чудотворного образа Пресвятой Богоматери «Умиление» Себежской: как море разлился Евфрат, текущий из рая, так и слезы Ее были, из обоих глаз пролитые, о гневе Создателя Своего, нашедшем за наше согрешение. Припадем, окаменевшие сердцами, и зарыдаем, прося: о, Владычица, умоли Сына Своего и Господа нашего этими пресвятыми Своими слезами, да избавит нас от всякого зла и бедствия, пожара, междоусобной войны, эпидемии и голода, нашествия иноплеменников в наступающие времена и, радуясь с благовестником Гавриилом, воскликнем Тебе: «Радуйся, Благодатная, Господь с Тобой».
Кондак Пресвятой Богородице пред иконой Ея «Себежской», называемой «Умиление», глас 4
Притеце́м, лю́дие, бога́тии и убо́зии,/ си́рии и вдови́цы, ста́рии и ю́нии,/ в ти́хое приста́нище,/ под покро́в цельбоно́снаго исто́чника Богома́тере./ Сле́зы бо, я́ко ре́ки, источа́ет/ из обою́ оку́ чудотво́рнаго о́браза Се́бежския/ о находя́щем гне́ве за на́ша зла́я согреше́ния/ и укрепля́ет град, его́же возлюби́ла еси́, на сопроти́вныя,/ утвержда́ет ве́ру правосла́вных христиа́н/ и избавля́ет от вся́каго зла// моли́твами Свои́ми.
Перевод: Придем люди, богатые и убогие, сироты и вдовцы, старики и юноши, в тихое пристанище, под защиту приносящего исцеления источника Богоматери. Потому что Она слезы, как реки, изливает из обоих глаз чудотворного образа Богородицы «Себежской» о наступающем гневе за наши злые согрешения и делает город, который она полюбила, крепостью от врагов, утверждает веру православных христиан и избавляет от всякого зла молитвами Своими.
ВЕЛИЧАНИЕ
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.
МОЛИТВА КО ПРЕСВЯТОЙ БОГОРОДИЦЕ ПРЕД ЕЯ ИКОНОЮ СЕБЕЖСКАЯ (ОПОЧЕЦКАЯ) «УМИЛЕНИЕ»
О Пресвятая Дево, Мати Христа Бога нашего, Царице небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющимся пречистому и чудотворному образу Твоему. Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных. Помози нам немощным, утоли скорби наша, настави на путь правый нас заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и на страшнем суде Сына Твоего явися нам Милосердая Предстательница, да всегда поем, величаем и славим Тя, яко благую Заступницу рода христианскаго, со всеми угодившими Богу, во веки веков. Аминь.
💝 КАНОН ПРЕСВЯТОЙ БОГОРОДИЦЕ ПРЕД ИКОНОЙ «СЕБЕЖСКОЙ», НАЗЫВАЕМОЙ «УМИЛЕНИЕ»
Глас 6
Песнь 1
Ирмос: Волною морскою Скрывшаго древле гонителя мучителя — под землею скрышна спасенных отроцы, но мы, яко отроковицы, Господеви поим, славно бо прославися.
Приидите, верных благочестивая множества, духовно лик совокупльше, Пречистую Матерь Слова Божественными песньми воспоим, зряще Теплую Заступницу, от Пречистаго образа Ея преужасное знамение показующую.
Якоже лествицу высокую, зрим Тя, Дево Всенепорочная, еюже к Небесней высоте восходим, и, Тя Предстательницу и утверждение непобедимое стяжавше, Пречистая, навет и сетей вражиих избавляемся, да явимся и спасемся, верою к Тебе притекающии.
В рождестве Сына Твоего тли не приемши, от тления всех нас избави и печали, просвещающи матерним Своим дерзновением, Богорадованная.
Надежду имуще Тя, Богородительнице, и несумненну веру, града сего народи Тебе, яко забрало, граду положше, Дево Неискусобрачная.
Песнь 3
Ирмос: Тобою, Христе, Небеса утверждаема вся, Слово Божие и Сила, исповедуют славу неизреченну и вседетельныя руки Твоея сотворение, несть бо пресвят, разве Тебе, Господи.
Умилосердися на стадо Свое, Пречистая, и смирение граду Твоему даруй, сопротивных челюсти сокруши и тех до конца немощны покажи.
Общаго Пастыря и Владыку порождши Христа, Дево Неискусобрачная, Тому помолися, настоящаго гнева избавитися нам, истиннаго обстояния, Владычице.
Милостива еси, Владычице, Милостиваго рождши Спаса, виждь озлобление и воздыхание людей Своих, ускори, Пречистая, ущедрити ны.
Поют Тя, Богородице, Ангельстии чини и празднуют патриархи со святители, с ними же тогда и Боголюбивии народи текуще во святую Твою Церковь, видеша Тя, Царице, за ны, грешныя, молящуюся к Сыну Своему, помиловати град Твой и люди, в нем живущия, от Твоего образа предивным знамением.
Седален, глас 8
Юже древле лик пророческий проповеда — дверь Небесную и неопалимую купину, свещник многосветлый, златую кадильницу, ручку и жезл, преславно днесь и дивно знамение показа, темже благодарственное пение возсылаем Ти, раби Твои, Богородице, моли Христа Бога нашим согрешением оставление даровати, Тебе бо надежду имамы, раби Твои.
Песнь 4
Ирмос: Удивися Твой разум от мене, услышавшу преславная веления смотрения Твоего, укрепися же возлюблением Твоего схождения, Ты бо моея нищеты не отверглся еси.
Почитающия Тя граждане, Пречистая, и по долгу славящия ограждай от безбожных, Чистая, иноплеменник, Ты бо тем еси, Пречистая, богатство неотъемлемо, покров же и держава.
Не может язык и слово человеческое похвалити Тя достойно, от Тебе бо без семене Жизнодавец Бог воплотитися, Пречистая, благоизволи.
Призри, Пречистая, спастися рабом Твоим, поющим Тя, и избави от сопротивных и нашедшаго гнева, Богородительнице.
Богатный дар и неотъемлемо сокровище даровала еси граду Твоему, образ Твой, Пречистая и Мати Слова, и сего помощию противных низлагаем.
Песнь 5
Ирмос: Союзом любве связуеми, апостоли, владычествующему всеми себе Христу возложше, красны ноги очищаху, благовествующе всем мир.
Теплая Заступнице к Тебе притекающим и ненадеющимся надеждо, виждь озлобление людей Твоих и подаждь Свою помощь, Пречистая.
Иже Огнь рождши Божественный, Дево, противных, Пречистая, молитвою Твоею — огнем — попали, яко сущи Зиждителя умоляющи, Всепетая.
Великий преднаписует во пророцех Моисей Тя ковчег, и трапезу, и свещник, и ручку, образне являя воплощение еже от Тебе Вышняго, Мати Дево.
Ты богатство неистощимое, исцелением источник еси верою притекающим к храму Твоему, идеже пребывает образ Твой, Владычице.
Песнь 6
Ирмос: Ят бысть, но не удержан в персех китовых Иона: Твой бо образ нося, Страдавшаго и погребению давшагося, яко от чертога, от зверя изыде. Приглашаше же кустодии: хранящии суетная и ложная, милость сию оставили есте.
Избави языческаго нашествия град Твой, Препетая, и не предаждь до конца погибнути наследию Твоему, Пречистая, но силою Рождшагося из Тебе, Владычице, противных низложи.
Многосогрешивших к Тебе, Господи, не презри, но приими мольбу Матере Твоея о нас, Щедре, да не хвалятся сопротивнии,— где есть Бог их? — глаголюще, но да разумеют вси, яко Ты, Избавителю, с нами еси.
Честную икону Твою радостно сердцем и душею облобызаем, веселящеся и теплою верою прикасающеся, исцеление почерпаем неоскудно.
Кондак, глас 4
Притецем, людие, богатии и убозии, сирии и вдовицы, старии и юнии, в тихое пристанище, под покров цельбоноснаго источника Богоматере. Слезы бо, яко реки, источает из обою оку чудотворнаго образа Себежския о находящем гневе за наша злая согрешения и укрепляет град, егоже возлюбила еси, на сопротивныя, утверждает веру православных христиан и избавляет от всякаго зла молитвами Своими.
Икос
Разреши тьму моих согрешений, юже во уме моем лежащую, и Твоим мя светом просвети, Дево, яко да возмогу Тебе похвалу принести, Юже Отец восхвали и Дух Святый осени, Сын же и Слово Божие в Нюже вселися нетленно, от Пречистую Твоею боку произыде и с человеки поживе, темже мы, грешнии и недостойнии раби Твои, днесь совершающе священное торжество — знамение, бывшее от честныя иконы Твоея, в немже предивное чудо показала еси, и, Твоему чудеси удивльшеся и Твоих богатых даров исполньшеся, вместо благовонных аромат, елико возможно нам, земным, похвальная пения приносим Ти, глаголюще: радуйся, радосте Ангелом и человеком; радуйся, покрове, и утверждение, и надеждо граду Твоему; радуйся, противных силою Твоею низлагающая; радуйся, Разумнаго Солнца Мати, верных просвещающая, неверных же помрачающая. Радуйся, христианом похвало.
Песнь 7
Ирмос: Неизреченное чудо: в пещи Избавивый преподобныя отроки из пламене во Гробе мертв, бездыханен полагается, во спасение нас, поющих: Избавителю Боже, благословен еси.
Воистину сокровище честно граду Твоему, икона Твоя, даровася, Пречистая, юже сами зряще, о чудеси удивляемся, Сыну Твоему вопиюще: благословен Бог отец наших.
Во храм Боголепнаго Преображения, Владычице, притекающе, людие, руце простирающе, на молитву движем Тя: виждь озлобление наше и подаждь Твою помощь, Богородице.
Светоносная благодать, исцеление граду Твоему дадеся, образ Твой, Пречистая, егоже любезно облобызающе, веселящеся, вопием: благословен Бог отец наших.
Свеща Божественнаго сияния и Незаходимаго Света явися, свещник, светосияющ и мир весь озаряющ зарею чистаго девства, Тя поющия спасаеши, Благословенная, Яже Бога плотию рождшая.
Песнь 8
Ирмос: Ужаснися, бояйся, Небо, и да подвижатся основания земли: се бо в мертвецех вменяется в Вышних Живый и во Гроб мал странноприемлется. Егоже, отроцы, благословите, священницы, воспойте, людие, превозносите во вся веки.
Собезначальное Слово Отцу Дева породи Пречистая нетленно, Того моли, Богородительнице, от сопротивных напастей спастися граду Твоему и в нем людем, поющим: Господа воспевайте, дела, и превозносите Его во веки.
Едина сущи Благая, Преблагаго Слова умоли прилежно настоящаго гнева граду Твоему избавится, да несумненною верою Сыну Твоему зовем, поюще: дети, благословите, священницы, воспойте, людие, превозносите Его во веки.
Сопротивных разжжения и пламенновидныя стрелы, испущаемии на нас, угаси, Владычице, яко да Тя поем и превозносим, Чистая, во веки.
Яко нетленное зерцало, имея во граде Твою чудотворную икону, Пречистая, сопротивляющихся низлагаем и Сыну Твоему вопием: благословите, вся дела Господня, Господа пойте и превозносите Его во веки.
Песнь 9
Ирмос: Странствия Владычная и Безсмертныя Трапезы на Горнем месте высокими умы, вернии, приидите, насладимся, возшедша Слова, от Слова, научившеся, Егоже величаем.
Оком милосердным свыше призри на град и в нем люди Твоя, Пречистая, иныя бо помощи не имамы, токмо Тя, Всенепорочную, темже вси яко Матерь Божию величаем.
Раби Твои, вопием Ти, Пречистая Мати Божия: обычныя милости Твоя на град и люди милостивно покажи и сопротивных обстояний нас изми, да Тя непрестанно величаем.
Мысли очистивше и ум, празднолюбнаго града Опочки соборы со священным чином и всех верных благочестивое множество, восхвалите Матерь Слова, яко от Тоя образа бысть предивное знамение, емуже со страхом кланяющеся, Тя величаем.
Якоже Божественною светлостию озаряему зрим днесь, Пречистая, икону Твою честную, ейже кланяющеся, Тя величаем.
Светилен
Возжелев, Пречистая, Твоея доброты, Иисус в Тя вселися, и Заступницу Тя Твоему граду Слово Божие дарова, егоже сохраняй заступлением Твоим присно, яко да Тя ублажаем, Пренепорочная Отроковице