СЕЗИМ СЕРЕСИ.

1 фев 2023

АЗЫТКЫ.

5-БОЛУМ.

АЗЫТКЫ. - 950042799370
АЗЫТКЫ. - 950042799626
Чакаларын текчеге коюп,акырын боз үйдүн эшигин ачып сыртты карады.Жолборс да көрүнбөйт,күн ылдыйлап бара жатты, тезирээк күйөөсүнүн келишин чыдамсыздык менен күтүп жатты.
- Ух ,такыр эле коркок болуп калган окшойм.
Эрниске ылдыйыраак жол көрүнүп турган жакка көчөлү десем эмне дээр экен!
Же ,мени жеткен жүрөгү жок коркок , коён экенсиң деп шылдыңдап салабы?
Ар кайсыны ойлонуп жатып ,койлордун маараган үнүн ,эки тайгандын ,аларды көрүп тосуп үрүп чыккан Жолборстун үнүн угуп,сыртка тосуп алуу үчүн чыкты.
- Кандай жакшысыңбы?
-Жакшы ,кел койлорду камап салалы.Суу ала чыкчы ,жаман суусадым.Суу эрте эле түгөнүп калды.
- Эрнис ,жана мен булакка баргам да,анан гүл терип алаксып кетиптирмин , гүлдөрдү боз үйгө коюп ,кайра барсам эки чакадагы суу төгүлүп калыптыр. Чөмүч шилбинин арасында жатыптыр.Бул эмнеси?
- Өзүң байкабай төгүп алсаң керек.Тегерегибизде бир жан жок,же болбосо дөбөт чуркап жүрүп төгүп алдыбы?
- Макул ,эки чаканы байкабай төгүп алайын, анда чөмүччү? Шилбиге ким ыргытты?
- Билбейм ...
- Жүрү тамак ичели
- Гүлзар сен коркпочу,азыр техникалардын өнүккөн заманы.Албарсты,азыткы деген илгери араба бар кезде болгон.
Азыр деген самолет,вертолет,ракеталардын заманы.Космоско адам учуп жатат.
Коркпочу макулбу?
- Коркпоюн десем деле,бир коркунучту сезип ,жонум дүркүрөп кетип жатпайбы!
Ылдый жол көрүнүп турган жакка көчсөк болбойбу?
Ал үчүн бизге бирөөлөр жардам бериши керек да.Жалгыз алыбыз келбейт .Бир жумадан кийин,Медер классташым келет,эки бээсин кошом деген, эгерде коркконун басылбаса ,ошондо ылдый түшөлү.
Экөө бир аз күндөн энергия алып иштеген кичине телевизорунан кино көрүп уктап калышты...
Бир маалда жылкылардын дүбүрттөрү угулуп, Гүлзар чочуп ойгонуп кетти,чын эле жылкылардын кишенегени ,сыртта бир нерсе болуп жаткандай
- Эрнис ,ойгончу ,эшикте эмне болуп жатат?
Уксаң! Кана фонарик ?
- Ыя ,эмне болду? Бул эмне?
Чуркап сыртка чыгайын деген Эрнисти Гүлзар токтотту .
- Кийинип ,мылтык менен чык! Же чыкпай эле койсоңчу!
- Кантип чыкпайм,элдин жылкысы да,кантип төлөп беребиз бир нерсе болсо?
Чыгып кетип ,ары бери чуркап иттерин ээрчитип алып бир топко жок болду!
Гүлзар Кудайга жалынып,светти күйгүзуп алып жуурканга оронуп отура берди.
Бир топ убакыттан кийин Эрнис сырттан кирди.
- Эмне болду,тынчпы?
- Жылкылар жок,бир нерседен үркүп кеткен окшойт,карасам алыстап кетти, караңгыда жөө кантип жетмек элем.
Карышкыр болсо койго тиймек,уйлар деле тынч эле турат.Жылкыларды эртең эрте туруп карайын,айгырга кана ишенип турам.
Кудай өзү сактасын! Кой ,эми жаталы ,андан көрө таң атар замат издейин.
Гүлзар ооналактап ар кайсыны ойлонуп жатып уктап кетти.
Түшүндө толтура түрү суук аялдар кубалап жүрүшүптүр.
Ойгонсо ,Эрнис жаңыдан туруп кийинип жатыптыр.
Чайын,тамагын жылытып бере коюп,Гүлзар уйларды сааганы жөнөдү.

Койлорун айдап коюп,Эрнис жылкыларды караганы жөнөдү.Улам бир кырга чыгып , үйүрдү издеп жатты.Тээ бир маалда, тоонун күңгөй бетинен дүрбү салып жатып жоголгон үйүрдү көрдү.
Түшкө маал жетип ,үн салып чакырды эле ,айгыры таанып бери жөнөдү,артынан бээлер менен кунан - тайлары да чуркашты.
Жакындап келген айгырын жалынан сылайын десе ,жал - куйругу чачышып, өрүлгөн сыяктуу болуп калыптыр.
Аябай катуу чуркаганбы,тердеп кургаганы да билинип турат.
Эч кимди жолотпогон ,кыялы чатак айгырдын жал - куйругун ким өрүп салганы таң калыштуу болуп калды.Башка бээлерин ,тайларын караса баарынын жал- куйругу жакшы эле экен.
Дагы бир кара кашка кунандын да жалы чачышып , өргөн сымал болуп калыптыр.Бул кунан да , үстүнө киши кондура элек жылкы баласы эле.
Жылкыларын ылдый айдап ,койлор жакка түштү.Койлор оттоп ,жанында эки тайганы жаткан экен.
Түндө эмне болду? Эмнеден үйүр үркүп , мынчалык алыска кетип калды?
Эмнеге карышкыр болсо жылкыларга тиет,алар биринчи койлорго асылыш керек эле да деп кечке ойлонуп отура берди.
Күн киргенге чейин Гүлзардын жаңы тынган жок, үйдөгү түйшүк менен бат эле кеч кирди.
Алыстан койлордун маараган үндөрү угулуп,Эрнис жылкыларды да кошо айдап келип калды.
- Эрнис кайдан таптың?Баары эле аман эсенби?
- Ооба баары аман.Бирок жүрсөң бир нерсе көрсөтөм.
Мобу карагер айгырды карасаң!
- Эмне болуптур?
- Жалы менен куйругун карачы?
- Ой ,буларды сен өрүп салдыңбы?
- Жок ай,мен өрүп эмне кылмак элем.
- Эрнииис!Мен коркуп жатам...
- Эмнеге ?
- Мен таенемден уккам ,албарстылар жылкыларды минип алып чарчаганча чабышат.
Анан жалдарын,куйруктарын өрүп салышат деп...
- Койчу ай ,кантип эле ошентсин
- Ошентип уккам ,чынбы ,калппы билбейм.
- Дагы бир кунандын жал куйругу ошондой экен!
Кой ,жүрү тамак ичели ,эки күндөн кийин классташым келет ,балким ылдый жакка көчөбүз.
Ал жакта коңшу айылдан келген малчылар да бар.Сага да көңүлдүү болот,келиндер менен сүйлөшүп...
- Иий анда сонун болот.

УЛАНДЫСЫ БАР.....
НУРИДА КАРАБАЛТИНСКАЯ.
•

Комментарии