Бир айылда сүйүшкөн эки жаш үйлөнөбүз десе, ата-энеси каршы чыгат.Озгөчө кыз тарап.Алар колунда бар,жашоосу мыкты ,кадыр барктуу үй бүлө экен.Жигит тарап жардыраак,начар жашагандыктан аларды теңине ала бербей, үйлөнүүгө макулдугун бербей коёт.Ага болобу,сүйүүсү күч эки жаш болбой эле үйлөнөбүз деп,каршылык көрсөтөт.Кыздын атасы экөөнү тең катуу тилдеп коёт.Айласы кеткен эки жаш ,,бул дүйнөдө чогуу боло албасак,анда аркы дүйнөдө бирге болобуз,, деп,курулуп бүтпөгөн тамдын ичине кирип алышып,өздөрү менен ала келген бир бөтөлкө уксусту бөлүп ичип алышат.Аларды айылдаштары көрүп калып,ата-энелерине кабар беришет.Айыл ичи заматта уу-дуу.,,Бекер балдардын убалына кала турган болушту, сүйлөшүп жүрүшкөн экен, үйлөнтүп эле коюш керек болчу.Бирин бири теңине албай жатып,экөөнүн башын жутуп тынбаса болду,, деп,элдин көбү кыздын атасын тилдеп жатышты ...Чурулдап-чуркурап,ата-энелери экөөнү райондук ооруканага жеткиришет.Ал жерден алыбыз келбейт деп тез жардам менен Бишкекке алып жөнөшөт.Экөөнүн тең абалы начар экен,бир кудайдын колунда,биз колубуздан келгенин кылабыз деп врачтар операцияга кирип кетишет.Баары күтүп отурушат.Сөздөн сөз чыгып,бири-бирин күнөөлөп башташат.,,Каап,бекер жерден экөө тең өлүп кала турган болду, үйлөнөбүз деп келгенде эле үйлөнтүп коюш керек эле,, деп,бармактарын тиштешет.Кудайга жалынып отурушат Кыздын атасы : ,,Чымындай жандары аман калышса болду,өзүм үйлөнтүп коём,, деп,өзүнө өзү сөз берип,башын муштайт.Оорукананын чыгымынын баарын өзү төлөйт.Операция узакка созулат.Баары жанын оозуна тиштеп отурушат.Аңгыча врач чыгат.,,Абалдары оор,көпкө дарыланыштары керек,, дейт.Сүйүшкөн экөө жарым жыл ооруканада дарыланышат,трубка менен тамак ичишет,болгондо да суюк гана тамак өтөт.Кекиртек ашказан,ооз көңдөйү күйүп калыптыр.Айрыкча кыздын абалы оор,ал көбүрөөк ичип алыптыр .Ит көрбөгөн азапты көрүшөт.Бир больницада,бир палатада жатып,этпеп дарыланып чыгышат.Ошондо да жарым жан,мурдагы ден соолук кайдан калыбы на келсин.Ичке тамактары дайым көзөмөлдө.Бул болот,бул болбойт,ачуу,майлуу,таттуу болбойт.Айтор,жаш кезектин ойноп күлүп, ичип-жеп жашай турган мезгилинде экөө минтип жарым жан болуп отурушат.Антсе да, экөө бири бирине үзүлүп түшүп,биринин жаны кыйналса,экинчиси кошо кыйналып,күндөр өтө берди.Мамилелери мурдагыдан да ысык бойдон кала берди.Өзүн күнөкөр сезип жүргөн кыздын атасы экөөнө той өткөрүп,баш коштуруп,бир үйүно киргизип койду.Баарына кайыл,баарын өзү көтөрдү.Кызымдын бактысына балта чаап,аз жерден андан айрылып кала жаздадым.Деги мындан кийинкиси жакшы болуп,бири бирине күйүмдүү болуп,кол кармашып жашап кетишсинчи деп,жан дили менен кызмат кылды.Орустар айткандай ,,живи и радуйся,,.Баары даяр,баары бар,баары колунан келген жардамын аябайт.Баягы экөө эки жакты караган адамдар куда болуп,сый көрүшүп,ырым жырымдарын жасап болушту,бири биринин эшик төрлөрүн көрүштү дегендей.Ошентип, азыркынын Лайли-Мажнуну өзүнчө жаңы үй бүлө болуп эле жатып калышты.Тоскоол болор эч ким жок,бир үйдө экөө гана жашайт.Жашап-жашап,жарым жылга жетпей ажырашып кетишсе болобу.Ой тобо,сүйдүм деп сүйүүнүн өтөөсүнө чыкпаган ушундайлар да бар экен бул дүйнөдө.Тескерисинче,көрбөгөндү көрдүк,кылбаганды кылдык,элге шерменде болбой жакшынакай жашайлы деген ой алардын башына да келген жок .Азыркы күндө экөө кайдыгер гана адамдай бир айылда,эки бөлөк күн кечирип келишет . Муну менен эмнени айткым келет жаштарга.Эч кандай сүйүү сенин ден соолугуңдан артык эмес.Ар дайым ден соолукту биринчи орунга коюу керек .,,Сүйдүм эле,,деп,баарына кайыл болуу ,анын ичинде ден соолукка зыян келтирүү акмактык,акылы жоктук.Жүрөктү да анча мынча акыл менен башкарып койсо зыяны тийбейт деген кеп.. Айгул Усупова.
Бакыт Үйү
Сүйүү болбой сүмүрөн кал...
Бир айылда сүйүшкөн эки жаш үйлөнөбүз десе, ата-энеси каршы чыгат.Озгөчө кыз тарап.Алар колунда бар,жашоосу мыкты ,кадыр барктуу үй бүлө экен.Жигит тарап жардыраак,начар жашагандыктан аларды теңине ала бербей, үйлөнүүгө макулдугун бербей коёт.Ага болобу,сүйүүсү күч эки жаш болбой эле үйлөнөбүз деп,каршылык көрсөтөт.Кыздын атасы экөөнү тең катуу тилдеп коёт.Айласы кеткен эки жаш ,,бул дүйнөдө чогуу боло албасак,анда аркы дүйнөдө бирге болобуз,, деп,курулуп бүтпөгөн тамдын ичине кирип алышып,өздөрү менен ала келген бир бөтөлкө уксусту бөлүп ичип алышат.Аларды айылдаштары көрүп калып,ата-энелерине кабар беришет.Айыл ичи заматта уу-дуу.,,Бекер балдардын убалына кала турган болушту, сүйлөшүп жүрүшкөн экен, үйлөнтүп эле коюш керек болчу.Бирин бири теңине албай жатып,экөөнүн башын жутуп тынбаса болду,, деп,элдин көбү кыздын атасын тилдеп жатышты ...Чурулдап-чуркурап,ата-энелери экөөнү райондук ооруканага жеткиришет.Ал жерден алыбыз келбейт деп тез жардам менен Бишкекке алып жөнөшөт.Экөөнүн тең абалы начар экен,бир кудайдын колунда,биз колубуздан келгенин кылабыз деп врачтар операцияга кирип кетишет.Баары күтүп отурушат.Сөздөн сөз чыгып,бири-бирин күнөөлөп башташат.,,Каап,бекер жерден экөө тең өлүп кала турган болду, үйлөнөбүз деп келгенде эле үйлөнтүп коюш керек эле,, деп,бармактарын тиштешет.Кудайга жалынып отурушат Кыздын атасы : ,,Чымындай жандары аман калышса болду,өзүм үйлөнтүп коём,, деп,өзүнө өзү сөз берип,башын муштайт.Оорукананын чыгымынын баарын өзү төлөйт.Операция узакка созулат.Баары жанын оозуна тиштеп отурушат.Аңгыча врач чыгат.,,Абалдары оор,көпкө дарыланыштары керек,, дейт.Сүйүшкөн экөө жарым жыл ооруканада дарыланышат,трубка менен тамак ичишет,болгондо да суюк гана тамак өтөт.Кекиртек ашказан,ооз көңдөйү күйүп калыптыр.Айрыкча кыздын абалы оор,ал көбүрөөк ичип алыптыр .Ит көрбөгөн азапты көрүшөт.Бир больницада,бир палатада жатып,этпеп дарыланып чыгышат.Ошондо да жарым жан,мурдагы ден соолук кайдан калыбы на келсин.Ичке тамактары дайым көзөмөлдө.Бул болот,бул болбойт,ачуу,майлуу,таттуу болбойт.Айтор,жаш кезектин ойноп күлүп, ичип-жеп жашай турган мезгилинде экөө минтип жарым жан болуп отурушат.Антсе да, экөө бири бирине үзүлүп түшүп,биринин жаны кыйналса,экинчиси кошо кыйналып,күндөр өтө берди.Мамилелери мурдагыдан да ысык бойдон кала берди.Өзүн күнөкөр сезип жүргөн кыздын атасы экөөнө той өткөрүп,баш коштуруп,бир үйүно киргизип койду.Баарына кайыл,баарын өзү көтөрдү.Кызымдын бактысына балта чаап,аз жерден андан айрылып кала жаздадым.Деги мындан кийинкиси жакшы болуп,бири бирине күйүмдүү болуп,кол кармашып жашап кетишсинчи деп,жан дили менен кызмат кылды.Орустар айткандай ,,живи и радуйся,,.Баары даяр,баары бар,баары колунан келген жардамын аябайт.Баягы экөө эки жакты караган адамдар куда болуп,сый көрүшүп,ырым жырымдарын жасап болушту,бири биринин эшик төрлөрүн көрүштү дегендей.Ошентип, азыркынын Лайли-Мажнуну өзүнчө жаңы үй бүлө болуп эле жатып калышты.Тоскоол болор эч ким жок,бир үйдө экөө гана жашайт.Жашап-жашап,жарым жылга жетпей ажырашып кетишсе болобу.Ой тобо,сүйдүм деп сүйүүнүн өтөөсүнө чыкпаган ушундайлар да бар экен бул дүйнөдө.Тескерисинче,көрбөгөндү көрдүк,кылбаганды кылдык,элге шерменде болбой жакшынакай жашайлы деген ой алардын башына да келген жок .Азыркы күндө экөө кайдыгер гана адамдай бир айылда,эки бөлөк күн кечирип келишет .
Муну менен эмнени айткым келет жаштарга.Эч кандай сүйүү сенин ден соолугуңдан артык эмес.Ар дайым ден соолукту биринчи орунга коюу керек .,,Сүйдүм эле,,деп,баарына кайыл болуу ,анын ичинде ден соолукка зыян келтирүү акмактык,акылы жоктук.Жүрөктү да анча мынча акыл менен башкарып койсо зыяны тийбейт деген кеп..
Айгул Усупова.