4.

КЕЧИККАН БАХТ-АРМОН бўлди.
Рус фуқоролигини олганман,тикилган кийимларни қаерга топширишни биламан,ишлар 'ок' бўлиб кетди-ку,чирой бор,фигура жойида,энг асосийси Тошкентлик армоним бўлган куёв бола айтганидек тил бор.
Кампирнинг уйи сотилди,хабарлашиб пулини жўнатдим,турган гапки фойда хам кўрдим.
Пулим бор,"под"работкаларни танлаб борадиган бўлдим.
Бир йил ўтгач,машинани хам сотиб юбордим,бу хақда кампирга оғиз хам очмадим.
Сотганингда пулини юборарсан,биз бора олмаймиз деган кампирнинг гапидан иштаха очилиб кетди.
Энди қандай бўлмасин,дачани, цехни хам сотсам деган хаёл тинчлик бермасди.
Бу орада янги гап чиқиб қолди,эрим билан кундошим урушиб қолибди,эрим уйдан чиқиб кетибди,бу хабарни эшитганимга кўп бўлгани йўқ,бегона рақамдан қўнғироқ бўлиб қолди.
Мени кечирсанг,олдингга бормоқчиман деган эримга розилик бердим.
Асло рахмим келгани йўқ,яшашни кўрсатиб қўймоқчиман холос,бошқатдан никох ўқитдик,энди мен олдинги хоним эмасдим.
Икки гапнинг бирида эримни ит талаган тулкидек қилиб ташлардим.
Русча сўкинишлар менга чикора,
эримни 3 харфдан бошлаб,энг керакмас матохга чиқариб қўярдим, онаси бунчаликка борманг,пул қўлнинг кири,бойликка берилманг деган эримга қулоқ солмасдим, аслида менга гап кор қилмас,мен пули кўп хоним бўлиб улгургандим.
Цехни хам дачани хам сотиб юбордим.
Бирдан-бир йул,қочиш эди,шундай хам бўлди,бир кечада изсиз йўқолдик.
Юртимга келдим,кондитер цехини очдим,махаллада гапим-гап,опаларим оғзимга қарайди,мен ўзимни эркакдек тутардим.
Эримга-ку кун йўқ,жахлим чиққан кунлари уйдан хайдаб юборардим.
Шўрлик онасининг уйида 2-3 кун бўлиб яна қайтиб келарди.
Бу орада хомиладор эканлигимни билиб қолдим,энг инжиқ кунларим бошланди.
Эрим кўзимга дунёдаги энг хунук махлуқдек кўрина бошлади,қачонгача шундай юрасан,ишлаб пул топсанг бўлмайдими,э хотиндан хароб бўлмай ўлгин,ит тўнғиз деган маломатлар эримнинг бошига кунда ёғилар,сизлаб гапиришни аллақачон унутгандим.
Эримнинг цехимизда кунига қоплаб юк тушириши,пиширилган махсулотларни эга-эгасига тарқатиши менинг назаримда иш эмасдек эди.
Нима бўлди-ю,кундошим мехмонга келди,икки боласи бор,кундошимнинг олдида ўзимни кўрсатгим келди- ми,эримни кераксиз бўлиб қолган резинка буюмга чиқариб жанжални бошладим.
Иккаласи нарида бироз гаплашиб туришди,мен ўйладимки болаларига алимент сўраб келган бўлса керак,кўнглим хотиржам,мендек бой хотинни топиб олсин-чи деган ғурур хали хам бўйин эгдирмасди.
Эртасига эрим изсиз йўқолди,кундошим Москвага олиб кетиб қолибди.
Кўп жанжаллар бўлди,уйни эримдан олиб қолиш учун анча СУД лашишга тўғри келди,қонун бўйича чақиртирилган эрим гапни қисқа қилди,менга хеч нарса керак эмас деди-ю,СУД залидан чиқиб кетди.
Эримдан уйни тортиб олибман,юқорида айтганимдек қишлоқда хамма бир-бирига қариндош,"движения"қилишга имкон йўқ, ўзим учун керакли бўлган асосий нарсани йўқотганимни кеч тушундим.
Ўғил фарзандим туғилди,пул ўлсин,боламни онамга ташлаб ишга чиқиб кетдим.
Кўчамиздаги энг бой хотин номини олиб улгургандим.
Тушмагансанда эрнинг қўлига,қамчисидан қон томиб турадиган эрнинг қўлига тушганингда,кунингни кўрардинг,афсус сенга берилган умр деган гапимга хикоямиз қахрамони менга тикилиб ўтирарди.
Орадан йиллар ўтди.
Қайси гўрдандир шу ОДНО деган нарса чиқди деган хикоямиз қахрамони давом этди.
Сайтда кўплаб танишлар ортирдим,ёзиша бошладим,гаплаша бошладим,энди нафсни жиловлаб олгандим,беш вақт намозни ўқирдим,Екатеринбург шахрига хам кондитер цехи очдим.
Францияликлардан умуман хабар ёки дарак бўлмади.
Ишларим кучайиб кетди,ўзимга Тойота машинаси сотиб олдим,менинг назаримда менга "мехр",ёзувчимизнинг фикри бўйича "витамин"етишмас эмиш.
Сайтда тасмани кузатиб ўтирган вақтимда қандайдир диний савол-жавобларни ўқиб қолдим.
Дўстлик таклифини жўнатдим,қабул килинганимдан сўнг "салом" деб ёзиб юбордим.
Мен мусулмон одам билан дўстлашаман,саломни тўлиқ бермаган ёки бузиб айтган инсон яхудийлардандир,яхудийлар бизларнинг душманимиз бўлади деган жавобдан хайрон қолдим.
Узримни айтгунимча дўстликдан ўчирилиб бўлган эканман,бунчалар жахлдор,бунчалар каландимоғ экан деб хайрон хам бўлиб қўйдим.
Мухокамада узримни сўрагач,қайтадан дўстликка қабул қилиндим.
Суратларни кўрар эканман,баданимда минглаб чумолилар ўрмалагандек бўлар,бу ўша,худди ўзи,деган хаёл менга кеча-ю- кундуз тинчлик бермай қўйди.
Ўзингизни таништиринг,менинг дўстларим сафида бегоналар йўқ деган ёзувдан хурсанд бўлдим,ўзимни батафсил таништирдим,ўз ўрнида Тошкент томонда узоқ қариндошларимиз хам борлигини айтиб ўтдим.
Ха,ажина,сенмисан деган ёзувдан ўрнимдан туриб кетдим,кўзларимдан ёш тўхтамасди.
Қаранг : одамзотнинг умри сувдек ўтар экан-да,катта ўғлим 21 ёшга тўлганида орадан 21 йил ўтганлигини сездим.
Эх-хе,21 йил мобайнида нималарни кўрмадим, уйимиз Қирғизлар томонидан ёқиб юборилганлиги,қийналганимиз,Россияда қилган ишларим,бу орада ажралиб кетишига мен сабабчи бўлган опамнинг оламдан ўтганлиги,3 нафар фарзанди менинг қарамоғимда қолганлиги,4- опамнинг эри оламдан ўтганлиги, у хам 2 фарзанди билан менинг ёрдамимга мухтожлиги,мен рус фуқоролигини олганлигим учун Россиянинг 4 шахрида цех очганлигим,топишим яхши,даромад етарли,биргина "мехр" етишмасди холос.
Биз энди ёзиша бошладик,бошимдан ўтганларни хаммасини ёзиб юбордим.
Тилингдан топибсанда деган бир қаторгина жавоб келди.
Ёзган саломимга тўлиқ алик келар ва ортидан "ха ажина қандайсан" деган ёзув албатта келарди.
Биргина шу "ажина" сўзига жону-жахонни,ва бойликларимни тикиб юборишга тайёр эдим.
Бир йилгача ёзишиб юрдик,катта ўғлимни уйлантирадиган бўлдим.
Сайтдаги дўстларим гарчи мендан узоқда бўлишсада,тўйга кела олмаслигига 100% ақлим етсада,таклифнома ёзиб қўйдим.
Тўйга бир хафта қолганида тўй ташвишлари билан сайтга кирмадим.
Май ойи,ховлига жой қилинган,аниқ эсимда жума куни эди.
Нахорги ошни ўтказдик,икки ўғлим хам жума намозига чиқишарди.
Тўлқинланиб келишди,аяжон бугун масжидимизга Россиядан мехмон келибди,маърузани хам,намозни хам ўша киши ўқиб берди.
Нахорда эътибор бермаган эканмиз,масжидимиз қавми билан нахорги ошга келган экан,кечга тайёргарлик кетар,шунинг учун нахорги ошнинг зангори экран тасмасини кўришга вақтимиз йўқ эди.
Келинни олиб келишда,никох ўқитиш учун масжидга кирган ёшлар хурсанд келишди.
Россиядан келган мехмон никохлаган экан.
Кечда тўй бошланди,тўй ярим бўлганида сахнага кўтарилган нотаниш одам микрофонни қўлига олганлигига кўзим тушди.
Ичкари хонадаги қуда аёллар ёнига кириб кетдим.
Ховлида мусиқа, қарсакбозлик бошланди,ўрнимдан туриб ховлига қарадим.
Мехмон қўшиқ куйлар,мендан катта опам рақсга тушар,одамлар давра олиб ўраб олишган,
СУЙДИРГУВЧИ ЭДИНГИЗ,СУЙДИРДИНГИЗКУ,
БУ ИШҚ САХРОСИДА,КУЙДИРДИНГИЗКУ.
Қўшиқ тугади, одатимиз бўйича бир кўйлак ва белбоғни олиб ташқарига чиқдим,тўйимизга келган мехмонга миннатдорчилик билдириб қўймоқчи бўлдим.
Мехмон қаерга кетган билмадим,изсиз йўқолганди.
Беш дақиқалар ўтгач,қий-чув бошланди,опам хушидан кетиб даврада йиқилди.
Хамма типирчилаган,кимдир сув сепган,яна кимлардир ўз билганича маслахат беришарди.
Ярим соатларда хушига келиб,кўзини очган опам менга қараб, "танидингми?"деб сўради.
Кимни?-кимни танишим керак дедим.
Ўша-ку танимадингми?- деган опамга хайрон тикилдим,бу ўша,халиги Тошкентлик қариндошимиз,эсингдами совчи бўлиб,опамнинг гапи оғзида қолди, кўчага отилиб чиқдим,хайда машинани,масжидга хайда деб бақириб юборибман.
Масжидга етиб келдик,мехмоннинг ярим соат олдин аэропортга жўнаб кетганлигини айтишди.
Хуллас биз кечикдик,видео тасмасини кўрар эканмиз,мени қалтироқ тутар,ким билибди,ким танибди дейсиз,костюм-шим,галстук таққан одам тўйга келишини,хуллас кечикдик.
Мени қай манзилда улгурдинг топиб,
Эй қўлим етмаган самодаги тахт.
Қаро кўзларинга тўймадим боқиб,
Хеч қачон меники бўлмайдиган бахт.
Лахзалик соғинчга асира бўлиб,
Тунлар қаросига қилдимми тоқат.
Энди қолябсанми хотира бўлиб,
Хеч қачон меники бўлмайдиган бахт.
Тоғ қадар ғурурим синиб қолдими,
Кўнглим куйдирдими мехр деган тафт.
Рухим афсусларга тўлиб қолдими,
Хеч қачон меники бўлмайдиган бахт.
Рухимни ажратиб минг бир бўлакка,
Жонимда жонингдан қолдириб бир дард.
Нима деб бахона айтай юракка,
Хеч қачон меники бўлмайдиган бахт.