❗ПОЭЗИ ТӖНЧИ

ЮЛАШКИ ШӐНКӐРАВ УМӖН
Ҫулсерен ҫуркунне вӗҫӗнче,
Ҫӗмӗртсен ҫеҫкисен ырринче
Сиреньсен шӑршипе хутӑшла
Янӑрать шӑнкӑрав тунсӑхпа.
Шкул сукмакӗ паян кӗскерех,
Вӗл вӗҫеҫ хӑмпӑсем ир-ирех.
Вӑрӑм ҫӳҫлӗ чипер хӗрӗсем
Ҫыхнӑ капӑр, шап-шур хӑюсем.
Каччисем те паян яштакрах,
Хавасрах, тен, кӑштах шухӑрах.
Ҫамрӑксен умӗнче вӑрӑм ҫул.
Тунсӑхпа ӑсатать савнӑ шкул.
Янӑрать юлашки шӑнкӑрав,
Уроксем пулас ҫук, ҫук тӑхтав.
Пӗлӳ ҫурчӗ— ачалӑх сасси,
Иртнипе Паянхи. Пуласси.
Алина Николаева.