У гэты дзень, 22 верасня 1999 года, пайшоў з жыцця УЛАДЗІМІР АЛЯКСЕЕВІЧ КУЛЯШОЎ (1941-1999), народны артыст БССР (1979), акцёр Коласаўскага тэатра (1964-1999).
Уладзімір Аляксеевіч быў знакавай фігурай, тым магутным артыстам, на якім трымаўся рэпертуар тэатра цягам цэлых дзесяцігоддзяў. Яму былі ўласцівы аналітычнае мысленне, інтэлектуальнасць, меў прыгожы, меладынага тэмбру голас, прывабную знешнасць. Пачынаў з роляў маладых станоўчых герояў: Максім (“Шануй бацьку свайго” В.Лаўрэнцьева), Леанідзік (“Мой бедны Марат” А.Арбузава), Вайс (“Шчыт і меч” В.Кажэўнікава), Стывен (“Гарачае лета ў Берліне” Дз.К’юсак), Аскольд (“Чатыры крыжы на сонцы” А.Дзялендзіка), Віктар (“Варшаўская мелодыя” Л.Зорына). Пераломнай стала роля Казіка ў спектаклі “Вайна пад стрэхамі” А.Адамовіча). Куляшоў арганічна ўвасабляў вострахарактараных персанажаў, выяўляў здольнасць да знешняга і ўнутранага пераўвасаблення, меў тонкае адчуванне камедыйнага жанру. Сярод такіх роляў : Евель Цывін (“Бацькаўшчына” К.Чорнага), Пан Бараноўскі (“Несцерка” В.Вольскага), Гапон Барычка (“Залёты” В.Дуніна-Марцінкевіча), Воўка-Нікацін (“Сталявары” Г.Бокарава), Просты чалавек (“Энергічныя людзі” В.Шукшына), Восіп (Рэвізор” М.Гогаля), Нішэль Гарон (“Будзьце здаровы” П.Шэно), Немаўля (“Шчаслівае здарэнне” С.Мрожака). Трагедыйны талент, грамадзянскі тэмперамент найбольш поўна раскрыўся ў ролях Іясафата Кунцэвіча (“Званы Віцебска”) і Каліноўскага (“Кастусь Каліноўскі”) Ул.Караткевіча. Новыя грані таленту выявіліся ў вобразе Паўла (“Хам” Э.Ажэшка), дзе паказаў багатае ўнутранае жыццё героя, тонка раскрыў яго душэўныя зрухі. Сярод іншых роляў: Бенядзікт, Глостэр, граф Кент (“Многа шуму з нічога”, “Генры VI”, “Кароль Лір” У.Шэкспіра), Лейстэр (“Марыя Сцюарт” Ф.Шылера), Лаўрэнсьё (“Дурнічка” Лопэ дэ Вегі), Даменіка (“Філумена Мартурана” Э.дэ Філіпа), Шаманаў (“Летась у Чулімску” А.Вампілава), Крачынскі (“Вяселле Крачынскага” А.Сухаво-Кабыліна), Гаеў (“Вішнёвы сад” А.Чэхава), Падкалёсін (“Жаніцьба” М.Гогаля) і многія іншыя. Таксама ўпісаў яркую старонку і ў беларускі кінематограф. На яго рахунку больш за 30 кінаработ. Сярод іх: Макар Журавель ("Чорная бяроза"), Пракоп ("Людзі на балоце"), шафёр Пархомаў ("Фруза"), Цыганскі барон ("Чорны бусел"), Рэдзька ("Шляхціц Завальня"), Казак ("На чорных лядах") і іншыя.
Коласаўскі тэатр
У гэты дзень, 22 верасня 1999 года, пайшоў з жыцця УЛАДЗІМІР АЛЯКСЕЕВІЧ КУЛЯШОЎ (1941-1999), народны артыст БССР (1979), акцёр Коласаўскага тэатра (1964-1999).
Уладзімір Аляксеевіч быў знакавай фігурай, тым магутным артыстам, на якім трымаўся рэпертуар тэатра цягам цэлых дзесяцігоддзяў.
Яму былі ўласцівы аналітычнае мысленне, інтэлектуальнасць, меў прыгожы, меладынага тэмбру голас, прывабную знешнасць. Пачынаў з роляў маладых станоўчых герояў: Максім (“Шануй бацьку свайго” В.Лаўрэнцьева), Леанідзік (“Мой бедны Марат” А.Арбузава), Вайс (“Шчыт і меч” В.Кажэўнікава), Стывен (“Гарачае лета ў Берліне” Дз.К’юсак), Аскольд (“Чатыры крыжы на сонцы” А.Дзялендзіка), Віктар (“Варшаўская мелодыя” Л.Зорына). Пераломнай стала роля Казіка ў спектаклі “Вайна пад стрэхамі” А.Адамовіча).
Куляшоў арганічна ўвасабляў вострахарактараных персанажаў, выяўляў здольнасць да знешняга і ўнутранага пераўвасаблення, меў тонкае адчуванне камедыйнага жанру. Сярод такіх роляў : Евель Цывін (“Бацькаўшчына” К.Чорнага), Пан Бараноўскі (“Несцерка” В.Вольскага), Гапон Барычка (“Залёты” В.Дуніна-Марцінкевіча), Воўка-Нікацін (“Сталявары” Г.Бокарава), Просты чалавек (“Энергічныя людзі” В.Шукшына), Восіп (Рэвізор” М.Гогаля), Нішэль Гарон (“Будзьце здаровы” П.Шэно), Немаўля (“Шчаслівае здарэнне” С.Мрожака).
Трагедыйны талент, грамадзянскі тэмперамент найбольш поўна раскрыўся ў ролях Іясафата Кунцэвіча (“Званы Віцебска”) і Каліноўскага (“Кастусь Каліноўскі”) Ул.Караткевіча.
Новыя грані таленту выявіліся ў вобразе Паўла (“Хам” Э.Ажэшка), дзе паказаў багатае ўнутранае жыццё героя, тонка раскрыў яго душэўныя зрухі.
Сярод іншых роляў: Бенядзікт, Глостэр, граф Кент (“Многа шуму з нічога”, “Генры VI”, “Кароль Лір” У.Шэкспіра), Лейстэр (“Марыя Сцюарт” Ф.Шылера), Лаўрэнсьё (“Дурнічка” Лопэ дэ Вегі), Даменіка (“Філумена Мартурана” Э.дэ Філіпа), Шаманаў (“Летась у Чулімску” А.Вампілава), Крачынскі (“Вяселле Крачынскага” А.Сухаво-Кабыліна), Гаеў (“Вішнёвы сад” А.Чэхава), Падкалёсін (“Жаніцьба” М.Гогаля) і многія іншыя.
Таксама ўпісаў яркую старонку і ў беларускі кінематограф. На яго рахунку больш за 30 кінаработ. Сярод іх: Макар Журавель ("Чорная бяроза"), Пракоп ("Людзі на балоце"), шафёр Пархомаў ("Фруза"), Цыганскі барон ("Чорны бусел"), Рэдзька ("Шляхціц Завальня"), Казак ("На чорных лядах") і іншыя.