Марий ялын ош каза

Кожла имым йӧрата
Мӱшкыр шужа,магыра
Вигак кожлаш чымыкта
Ужар име, витамин
Тыгак тудо, протеин
Витаминым йӧрата
Шӧрым утларак волта
Кожла – олаш чымыкта
Игыжлан тыге ойла:
Шинчыза пыртак шыпак
Мӧҥгӧ вашке пӧртылам
Шокшо кеҥеж кечынат
Марий ялын вольыкат
Шӧрым,торыкым,ӱмбалым
Каза йыштак,наҥгая
Писын тудо ошкеда
Коклан кудалын колта
Кунам тый,пыртак вашкет
Корнетымат йомдарет
Шокшо кечын, пӱжалтат
Ноет,виет пытарет
Вуй савырна,аҥырга
Кожлаш каналташ пура
Шем кожласе «хулиган»
Казам тӱк гыч,руалта
«Хулиган» пеш тӧпката
Каза шӧр вет тӧрлата
Каза водарым лӱшташ
Ер воктек вӱден волта
Тушто шыҥа витара
У мончашке наҥгая
«Хулиганын» кидкопа
Апшат дене таҥаса
Кидкопа кугу,лопка
Шуным нӧштылаш йӧра
Апшат гае кидкопа
Казам магыртен лӱшта
Магре,магре ош каза
Тиде,тиде кожла,ер
Кожла воктен у монча
Ӱй заводыш савырна Шӧрым,торыкым,ӱмбалым
Атылашке темкала
«Хулиган» мемнан шкенан
Сылнын шоктен мурыкта
Сылнын шокталтен колта
Ош каза,магрен мура
Марий ял, кожер воктен
Кожла воктен,ер ялжат
Улыт ынде, побратим
Шукертсек вашла келшат
Кожлаш мые мийенам
Ужар имым нултенам
Пел водарем кожын ӱй
Пел водарем чодыра мӱй
Игем-влак,капкам почса
Кожла орол,толынам
Мотор авада улам
Весын ом лий нигунам
Кошташ огыл казалан
Имым кожлашке нулташ
Ужар кожым шке ялеш
Тӱкан каза,шындышаш!
30.10.2024 Леонид Гаврилов