Шоныт рытöн.

Шоныт гожся рытöн
Зонка нывкöт кыкöн
Визыв ю дын кыйисö венок…
Нуö юыс васö,
Нывка öддьöн басöк, –
Мый нö керны, тэ висьтав, юок.
Цвет цветок дын ляктöн,
Зон кучывлiс сякö
Любитöмыс йылiсь шуны кыв…
Нывкаок жö кылö,
Кыдз юокыс сьылö
Да шумитö берег увтын ньыв.
-Ой тэ, менам милöй,
Кут жö менчим киöс,
Кылан: сьöлöм пессьö, кыдз дудi !
Весь бы тэ баитан,
Адзза, что любитан –
Ортчöн тэкöт лоам пырись ми…
Шоныт гожся рытöн
Зонка нывкöт кыкöн
Визыв ю дын кыйисö венок…
Омöн муыс кылiс,
Кыдзи песня сьылiс
Счастье йылiсь нывка-дудiок.