Երբևէ և որևէ մեկին չեմ շնորհավորել պետական կառավարման համակարգում բարձր պաշտոնում նշանակվելու կապակցությամբ։ Արփինե Սարգսյանի դեպքում այդ բացառությունն ինձ թույլ եմ տալիս, հաշվի առնելով իր հարուստ աշխատանքային կենսագրությունը, մասնագիտական լուրջ վերապատրաստությունը, գործին իր անխնա նվիրվածությունը, աշխատանքում արդյունքներ գրանցելու համառությունն ու նպատակասլացությունը։

Վստահաբար կարող եմ պնդել, որ իր անաչառությունը, սկզբունքայնությունը, համբերատար և հոգատար վերաբերմունքը հարազատի և անծանոթի հանդեպ, ընտանեկան դաստիարակությունը, խոհեմությունն ու զսպվածությունը պակաս կարևոր հատկանիշներ չեն նման բարդագույն ոլորտ ղեկավարելու գործում։ Այս դրական դրսևորումների ականատեսը ես եմ, ընտանիքի և հարազատության շրջանակներում, ամեն անգամ տպավորվելով Արփինեի մարդկային որակներով։
❗️Շնորհավորում եմ և մաղթում արդյունավետ ակնառու գործունեություն, համակարգի հետամնաց խորհրդային-ռուսական կարծրատիպերից լիարժեք անցում բարեփոխված եվրոպական-ազգային չափանիշների, հաշվի նստել և իրագործել յուրաքանչյուր արժեքավոր կարծիք ու խորհուրդ, անտեսել թունավոր բամբասանքներն ու վայրահաչոցները։
❗️Շնորհավորում եմ և խոստանում վրիպումների, սխալների դեպքում լինել առաջին խիստ քննադատը։