Ազգային ժողովի «Հանրապետական» խմբակցության նախկին պատգամավոր Արթուր Գևորգյանի նկատմամբ կիրականացվի հեռակա դատաքննություն:

Նախկին պատգամավորի նկատմամբ հարուցվել էր քրեական հետապնդում՝ ապօրինի հարստանալը, հայտարարագրերում կեղծ տվյալ ներկայացնելը կամ հայտարարագրման ենթակա տվյալը թաքցնելը, հանցավոր ճանապարհով ստացված առանձնապես խոշոր չափերով գույքն օրինականացնելը (փողերի լվացումը) հատկանիշներով:
Մասնավորապես՝
❗️2011 թվականին 490 հազար ԱՄՆ դոլարով ձեռք է բերել Ամերիկայի Միացյալ Նահանգների Լոս Անջելես վարչաշրջանի Վուդլենդ Հիլսում գտնվող բնակարանը.
❗️2015-ին 28 միլիոն դրամով ձեռք է բերել Երևան քաղաքի Դավթաշեն վարչական շրջանի Աղաբաբյան փողոցում գտնվող հողատարածքը.
❗️2015 թվականին 520 հազար ԱՄՆ դոլարով ձեռք է բերել Գլենդեյլի Քեմփբլ փողոցում գտնվող բնակարանը.
❗️2016 թվականին 475 հազար ԱՄՆ դոլարով ձեռք է բերել Վելլի Վիլիջ թաղամասի Ուիթսեթ ավենյուի բնակարանը.
❗️2019 թվականին1 միլիոն 525 հազար ԱՄՆ դոլարով ձեռք է բերել Լոս Անջելես վարչաշրջանի Մերրիմանում գտնվող առանձնատունը: