Напярэдадні Міжнароднага дня роднай мовы, які адзначаецца 21 лютага, супрацоўнікі цэнтральнай раённай бібліятэкі імя І.

Чыгрынава завіталі да выхаванцаў дзяржаўнай установы адукацыі “Дзіцячы сад №4 горада Касцюковічы”. “Знаўцы беларускай мовы” - пад такой назвай прайшло мерапрыемства, прысвечанае гэтай падзеі. У госці да выхаванцаў прыйшлі персанажы дзяўчынка Ганна і Хвілінка-Весялінка. Было прыемна чуць ад маленькіх хлопчыкаў і дзяўчынак такія словы на роднай мове, як “добрай раніцы”, “дзякуй”, “калі ласка”. Разам з беларускімі персанажамі дзеці адгадвалі загадкі на беларускай мове, гулялі ў гульні “Адгадай які малюнак адпавядае беларускаму слову”, “Што гэта за казка?”, “Збяры пазл”. Таксама выхаванцы чыталі вершы і спявалі песні. Да мерапрыемства была арганізавана бібліятэчная выстава «Казкі беларускія чытай – родную мову вывучай!», якая пазнаёміла прысутных з разнастайнасцю беларускіх казак. Усе удзельнікі праявілі свае веды, кемлівасць і знаходлівасць і даказалі, што ведаюць і любяць сваю родную мову. Напрыканцы мерапрыемства у падарунак ад дзяўчынкі Ганны і Хвілінкі-Весялінкі хлопчыкі і дзяўчынкі атрымалі закладкі для кніг “Размаўляй па-беларуску”.

Комментарии

Комментариев нет.