Як лёгка чытаць «Новы час» і іншыя (заблакаваныя) рэсурсы
Мы ўвесь час пішам пра тое, што «чытайце нас праз VPN». Аднак, нягледзячы на тое, што кампутарная пісьменнасць беларусаў за апошні час значна падвысілася, шмат хто яшчэ не разбіраецца, як уключыць гэты самы VPN. Многіх «ламае» ад таго, што гэта – нешта незразумелае і цяжка ўсталяванае.
Як уключыць той самы VPN лёгка і проста? Зазначу — гэтым сервісам я карыстаўся рэгулярна, і ён амаль не дае вылетаў і збояў. Прычым, яго можна ўключыць адзін раз, назаўсёды, і больш ніколі не парыцца пра тое, што нейкія сайты і рэсурсы недзе «заблакаваныя».
Для гэтага вам спатрэбіцца браўзер Opera на кампутары альбо смартфоне. Бо менавіта Opera ужо ўтрымлівае ў сваім функцыянале ўбудаваны VPN.
Такім чынам, вы ўсталёўваеце на сваю прыладу Opera.
У выпадку з кампутарам:
Заходзіце ў налады Opera, абіраеце там пункт «дадаткова» і ў пункце «дадаткова» — «бяспека». Пры перакрутцы ў вас будзе бачны асобны раздзел – VPN. Вам трэба толькі націснуць на пімпачку і актывізаваць гэты VPN.
Пры гэтым вы можаце ўвогуле ўключыць опцыю «запускаць VPN пры запуску браўзера», і тады вам не трэба будзе штораз рабіць пункт 2. VPN у вас будзе падключаны заўсёды.