🇦🇿 🇦🇿 Bu gün qəhrəman şəhidimiz Səbuhi Əzizovun doğum günüdür!

Qürurla yad edirik!
Azərbaycan Silahlı Qüvvələrinin leytenantı Səbuhi Rüstəm oğlu Əzizov 29 noyabr 1989-cu ildə Qobustan rayonu Təklə Mirzəbaba kəndində anadan olub. Leytenant Səbuhi Əzizov 2014-cü il yanvarın 27-də saat 12:30 radələrində Azərbaycan-Ermənistan təmas xətti istiqamətində ermənilərin atəşkəs rejimini pozması nəticəsində baş verən döyüş zamanı qəhrəmancasına şəhid olub. Yanvarın 29-u isə Səbuhi Əzizov doğma kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb.
Səbuhi Əzizov göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun Sərəncamına əsasən ölümündən sonra 3-cü dərəcəli "Hərbi xidmətdə fərqlənməyə görə" medalı ilə təltif edilib.
Ruhu şad olsun!