📗«Xorazm va xorazmliklar» kitobi nashr etildi

Xorazm Ma’mun akademiyasi tayanch doktoranti Umid Bekmuhammadning «Xorazm va xorazmliklar» nomli 2 jildli kitobi nashr etildi.
Unda «Xorazm» toponimining kelib chiqishi, tarixning turli davrlaridagi voqealari, Beruniy, Shayx Bahlulbek, Qozikalon Salimoxun, Bobo Oxun Salimov, Rahmat Majidiy, Nazirqul Hasanov, Komiljon Otaniyozov, Poshshajon Mahmudova, Madiyor Solayev singari tarixda iz qoldirgan shaxslarning hayoti va faoliyati tadqiq qilingan.
Shuningdek, Xiva shahridagi minoralar, ularning qurilishi bilan bog‘liq jarayonlar tahlil etilgan. Yevropada o‘qigan birinchi irrigator Muhammad Aminaddinov, birinchi kinoperator Xudoybergan Devonov, Germaniyada o‘qigan Maryam Sultonmurodova, Urganchda tug‘ilib o‘sgan mashhur xonanda Anna German, 1934-1937 yillarda Xorazmga rahbarlik qilgan Normat Isroilov hayoti va faoliyati ham tadqiq qilingan.
Har ikkala kitob nafaqat bakalavr, magistrlar va tadqiqotchilar, balki keng omma uchun ham mo‘ljallangan.
➡️ Xorazm xabarlari