Кулгучларинг қўш қароққа жойланди,

Шўх боқишинг юрагимга солди чўғ.
Бугун кўз ёшимдан саҳро сойланди,
Мен севиб адашдим,алданганим йўқ.
Қайғуриш бекордир,йиғламоқлик ор,
Бахтсизлик сўнгидан кун келар қутлуғ.
Севдим телбаларча қилмайман инкор,
Мен севиб адашдим,алданганим йук.
Билгандим севгига вафо йўқлигин,
Бериб бўлмас экан юракка буйруқ.
Бу ҳолимга кулиб шоддирсан лекин,
Мен севиб адашдим,алданганим йук.
Севмоқлик иноят,адашмоқ тақдир,
Оллохнинг амрига қилмайман ҳеч дўқ.
Севмоқликнинг ўзи улкан бир бахтдир,
Мен севиб адашдим,алданганим йўқ.