Эркаклар аёллар кийимин кийиб,

Юлдузни қўшиғин айтишса куйиб,
Зўр айтар экан деб ўргилиб, суйиб,
Биз бугун буларга кўникиб кетдик.
Ёш йигит яланғоч қўшиғин айтса,
Ҳарбийга бормасдан йўлидан қайтса,
Россияга бориб энсаси қотса,
Биз бугун буларга кўникиб кетдик.
Ёш қизлар акасин назарга илмай,
Ота-онасини қадрини билмай,
Тунги клубда юрса номус ҳам қилмай,
Биз бугун буларга кўникиб кетдик.
Айримлар ахлатга бола ташлади,
Чет элларда юриб дилни ғашлади,
Содда қизларни ёмон йўлга бошлади,
Биз бугун буларга кўникиб кетдик.
Худодан қўрқмайин баъзи кимсалар,
Пайғамбаримизни(С.А.В) қарғаб сўксалар,
Кейин узр сўраб тиз ҳам чўксалар,
Биз бугун буларга кўникиб кетдик.
Охирзамон шамоли еляпти дея,
Қуръонда айтгани бўляпти дея,
Қиёмат қойим ҳам келяпти дея,
Биз бугун буларга кўникиб кетдик.
Умид Элмуродов.