Здароўя і даўгалецця жадалі сёння жыхарцы аграгарадка Ганчары Бірук Еве Аляксандраўне супрацоўнікі Ганчарскага сельвыканкама і работнікі Ганчарскага Дома культуры з нагоды 90-гадовага юбілею.

Цёплых слоў і падарункаў у гэты дзень было нямала.
Кожным сваім дываном і вышытым ручнічком Ева Аляксандраўна, быццам, гаворыць нам, сваім нашчадкам, як трэба любіць свой край, сваю малую радзіму, як душой і сэрцам трэба быць побач са сваёй сям’ёй. Амаль 25 год назад яна пераехала жыць у вёску Ганчары з беларускага Палесся. Да яе адразу ж пацягнуліся людзі рознага ўзросту. Тых, хто займаўся ткацтвам і вышыўкай, асабліва вабіла яе акружэнне. З вялікай цеплынёй і павагай і зараз адзываюцца яе пераемнікі. Наперадзе нас чакае яшчэ нямала цікавых сустрэч і важных спраў, дзе без парад нашага юбіляра, вопыту і мудрага настаўлення не абысціся. Таму сёння мы жадаем ёй моцнага здароўя, бадзёрасці і 100 год жыцця!