Меҳралӣ Боғбон (1967-2012) бо лаҳҷаи Бартангӣ

"Бартанг ғацгон"
Винчум хушруйен фана,
Бартанг ғацгон ҷинав нист,
Ам қобилат ам чинта,
Бартанг ғацгон ҷинавъ нист.
Са час ту тар уф сурат,
Як бор ту час уф хислат,
Баэтиром, баурмат,
Бартанг ғацгон ҷинавъ нист.
Ху аад теран устувор,
Ишқиндеран вафодор,
Сад бор кинумта такрор:
Бартанг ғацгон ҷинавъ нист.
Одамӣ те кихът хато,
Ичайам нист бигуно,
Қасам харум па Мавло
Бартанг ғацгон ҷинавъ нист.
Ив йаст башанд, ив ганда,
Ив йаст қарор, ив сахра,
Лап хъарминҷат камзара,
Бартанг ғацгон ҷинавъ нист.
Хушахлоқат, батартиб,
Ам хушруят, ам базиб,
Ошиқен дардъри табиб,
Бартанг ғацгон ҷинавъ нист.
Ростасъум нивишт мим соз,
Надъам дус мис ми пардоз,
Биландум во ху овоз:
Бартанг ғацгон ҷинавъ нист.
Аз Рухъон то па Хигънон,
Аз Хохъдара то Въахон,
Лувта Меҳралӣ Боғбон:
Бартанг ғацгон ҷинавъ нист.