Бартангард"

Сар бузург ҷой арму Помир, Бартанг,
Ақлидор аз ёш ху то пир, Бартанг.
Уз навоthjoм падам афсус ачаth,
Уз фақат thathoмта тасвир, Бартанг.
Меҳнатанд доим, ху номуси налакт,
Дилти кихт аз ҷон таъсир, Бартанг.
Мулкиди яманд ҳақиқат Хуthoй ца,
Урмат тар яхат нанат, тар кахой ца.
Уз малол сам ичай цаловд ту бад,
Миллат бузург дисга бузург ҷой ца.
Сабурӣ фамт ту халқ аз пайи ростӣ,
Аз ҳурматат ақли мис ид бой ца.
Хилват Элназаров.(Сабурӣ)
Ба хотири водии Бартангат ви мардум.
Одам туғм цасот пухта,
Марденху кахойен сат.
Ту Пир ту Бузурген хо,
Фук пехи Хуthойен сат,
Сар тири туҳен кунен,
Ганҷенху ту остунен,
Сарез дисафик буна,
Пис ганҷат гиёен сат
Мавло Мададом якбор,
Меҳмони ядом якбор.
Бартанг ту диёрард хо,
Цонд сол зибоен сат.
Фук аз пайи ту замин,
Манғитху Эронху Чин,
Ҷаҳон фук қаторакти,
Пис обӣ сафоен сат.
Го азту заминен хурд,
Йи thу ичанд тинен хурд,
Арчай питу хок ҷон thид,
Фам ғарқи гуноҳен сат
Пирени Имомен вад,
Фидоҳи ху номен вад,
Баъди мам олам, руҳен,
Йив йив пи ҳавоен сат.
Сабурӣ қалам thидат,
Ародат арам thидат,
Ғарб сел питу поthев ят,
Чакчид вам дарёен сат.
Хилвати Сабурӣ
Фотография
95191