Çӗпрел район ертӳçисем шефа илнӗ çар чаçӗнче пулчӗç

Декабрӗн 16-мӗшӗнче Çӗпрел муниципаллă район пуçлăхӗпе Марат Гафаровпа Ӗçтăвком ертӳçин çумӗ Айрат Залялов Мускав облаçӗнчи район шефа илнӗ çар чаçне ӗçпе çитнӗ. Хальхи вăхăтра кунта Çӗпрел тăрăхӗнчен кайнă 19 каччă çарта тăрать.
Район ертӳçисем салтаксемпе хăйсемпе тӗл пулса калаçнине, Çӗнӗ çул парнисем парнеленине пӗлтерет район сайчӗ. Сăмах май, ку çар чаçӗнче пӗрремӗш хут мар вӗсем, хамăр слатаксемпе çакнашкал тӗлпулу йăлана кӗнӗ тесен те юрать. Тăван енрен килсех тӗрев пани, паллах, салтаксемшӗн те, вӗсен ашшӗ-амăшӗсемшӗн те çав тери пӗлтерӗшлӗ. Хальхинче те акă çар чаçӗн командованийӗпе ӗçлӗ тӗлпулу та пулнă район представителӗсен. https://suvargazeta.ru/news/cn-khyparsem/cprel-raion-ertcisem-sefa-iln-car-cacnce-pulcc