Ստացականը դա պարտատիրոջ կողմից ի հավաստումն պարտավորության կատարումը լրիվ կամ համապատասխան մասով ստանալու վերաբերյալ փաստաթուղթ է: ՀՀ քաղաքացիական օրենսգրքի 424 հոդվածի ուժով` պատշաճ կատարումը դադարեցնում է պարտավորությունը: Պարտատերը, ընդունելով կատարումը, պարտավոր է պարտապանի պահանջով նրան ստացական տալ` կատարումը լրիվ կամ համապատասխան մասով ստանալու մասին: Այսպիսով` ստացականով հավաստվում է պարտապանի կողմից պարտատիրոջ նկատմամբ ունեցած պարտավորության կատարումը: Ստացականը տրվում է հասարակ գրավոր ձևով` առանց նոտարական վավերացման: Միաժամանակ սահմանված է, որ եթե պարտապանն ի հավաստումն պարտավորության պարտքային փաստաթուղթ է տվել պարտատիրոջը, ապա պարտատերը, ընդունելով կատարումը, պետք է վերադարձնի այդ փաստաթուղթը, իսկ դրա անհնարինության դեպքում` այդ մասին նշի իր տված ստացականում: Ստացականը ստորագրվում է պարտատիրոջ կողմից և ձեռք է բերում ապացուցողական նշանակություն` պարտավորության կատարման վերաբերյալ: Անհրաժեշտ է նշել, որ պարտատիրոջ կողմից ստացական տալուց, պարտքային փաստաթուղթը վերադարձնելուց կամ այն վերադարձնելու անհնարինության մասին ստացականում նշելուց հրաժարվելու դեպքերում, պարտապանն իրավունք ունի կասեցնել կատարումը: Այդ դեպքերում պարտատերը համարվում է կետանցող:
ՓԱՍՏԱԲԱՆԱԿԱՆ ԾԱՌԱՅՈՒԹՅՈՒՆՆԵՐ
Ստացականի նշանակությունը և կիրառությունը
Ստացականը դա պարտատիրոջ կողմից ի հավաստումն պարտավորության կատարումը լրիվ կամ համապատասխան մասով ստանալու վերաբերյալ փաստաթուղթ է: ՀՀ քաղաքացիական օրենսգրքի 424 հոդվածի ուժով` պատշաճ կատարումը դադարեցնում է պարտավորությունը: Պարտատերը, ընդունելով կատարումը, պարտավոր է պարտապանի պահանջով նրան ստացական տալ` կատարումը լրիվ կամ համապատասխան մասով ստանալու մասին: Այսպիսով` ստացականով հավաստվում է պարտապանի կողմից պարտատիրոջ նկատմամբ ունեցած պարտավորության կատարումը: Ստացականը տրվում է հասարակ գրավոր ձևով` առանց նոտարական վավերացման:
Միաժամանակ սահմանված է, որ եթե պարտապանն ի հավաստումն պարտավորության պարտքային փաստաթուղթ է տվել պարտատիրոջը, ապա պարտատերը, ընդունելով կատարումը, պետք է վերադարձնի այդ փաստաթուղթը, իսկ դրա անհնարինության դեպքում` այդ մասին նշի իր տված ստացականում: Ստացականը ստորագրվում է պարտատիրոջ կողմից և ձեռք է բերում ապացուցողական նշանակություն` պարտավորության կատարման վերաբերյալ:
Անհրաժեշտ է նշել, որ պարտատիրոջ կողմից ստացական տալուց, պարտքային փաստաթուղթը վերադարձնելուց կամ այն վերադարձնելու անհնարինության մասին ստացականում նշելուց հրաժարվելու դեպքերում, պարտապանն իրավունք ունի կասեցնել կատարումը: Այդ դեպքերում պարտատերը համարվում է կետանցող: