Яны нарадзіліся на Любаншчыне.

Запавет гісторыка і краязнаўца Анатоля СТАТКЕВІЧА-ЧАБАГАНАВА


  8 лістапада 2021 года — 75 гадоў з дня нараджэння беларускага пісьменніка, краязнаўца, даследчыка айчыннай гісторыі, ураджэнца Любанскага раёна Анатоля Васільевіча СТАТКЕВІЧА-ЧАБАГАНАВА
https://zviazda.by/be/news/20210101/1609503362-zapavet-gistoryka-i-krayaznauca
       

     Зробленае Анатолем Васільевічам патрабуе асаблівай увагі. Яго няма з намі з 26 сакавіка 2019 года. За гэты час ужо варта ўсвядоміць, што месца гэтай асобы ў яе самаахвярным грамадскім служэнні беларускай гісторыі, у памкненнях аб’ядноўваць намаганнні грамадскасці збіраць радаводную памяць, фактычна ніхто не заняў. І ўжо гэта, на фоне, безумоўна, іншых здабыткаў і іншых ініцыятыў, патрабуе разважлівага асэнсавання. Хацелася б нагадаць, што радаводную кніжную серыю ён пачаў выдаваць па Благаславенню Высокапрэсвяшчаннейшага Мітрапаліта Мінскага і Слуцкага , Патрыяршага Экзарха ўсяе Беларусі Філарэта. Пачаўшы з раскрыцця гісторыі свайго ўласнага рода (а звес ткі пра род ён адшукаў з XIV стагоддзя!), Анатоль Васільевіч узнавіў падрабязнасці жыцця знакамітых і простых людзей з рознымі радаводнымі карэннямі. Выданне кожнай з кніг станавілася адметнай падзеяй у кніжным, асветніцкім жыцці Беларусі. І ўжо гэтыя мастацка-дакументальныя летапісы з шырокім выкарыстаннем самых старадаўніх архіўных дакументаў станавіліся крыніцамі для працы іншых даследчыкаў. Кнігі з адзнакай на вокладцы «Я — сын Ваш...» прыйшлі ў многія і многія бібліятэкі. Не толькі ў Беларусі, але і ва ўсім свеце. Анатоль Васільевіч шчодра адорваў гэтымі сапраўды энцыклапедычнымі выданнямі школы краіны, розныя асветніцкія ўстановы...

Комментарии

Комментариев нет.