ҚАЙДАНАМ СЕВДИМ....

Ой, юлдузсиз энди тунларим,
Сени ойдек кўргандим, санам.
Энди қўмсаб ўтган кунларим,
Эркам, сени севдим қайданам.
Кўнгил ҳамон қўмсайди сени,
Алдамоққа айтайин нени?
Юрак сўраб, қўймайди мени,
Эркам, сени севдим қайданам.
Баҳор келди, чамандай бўлиб,
Сен келмадинг гулдайин кулиб,
Хазон бўлди, юрагим тўлиб,
Эркам, сени севдим қайданам.
Мажнун мендек Лайлисин суйган,
Зухросини Тохирдек севган,
Қайси ошиқ мен каби куйган?
Эркам, сени севдим қайданам.
Тўлди юрак ишқингда ёна,
Машраб каби бўлиб девона,
Юрагимга кўнглим парвона,
Эркам, сени севдим қайданам.
Хаёл бўлиб, ёнингга етай,
Ишқ чўлида бош олиб кетай,
Юрак қурғур тушунмас, нетай?
Эркам, сени севдим қайданам.
Саболардан сўрайман сени,
Келсанг, гулга ўрайман сени,
Ким дардларим тушунгай мени?
Эркам, сени севдим қайданам.
Эркам, сени суйдим қайданам.