Рузаевкань эряйхненди тяни ули кода якамс-шяямс одкстоптф Славань Аллеява, кона ащи Куйбышевонь лемса ульцяса. Общественнай тя вастть петемац-тиемац шумордавсь тяддень сентябрьста, работатне мольфтевсть «Жильё и городская среда» национальнай проектонь «Формирование комфортной городской среды» федеральнай проектть коряс.Славань Аллеять петеманц-мазоптоманц колга решениять Рузаевкань эряйхне примазь Всероссийскяй рейтинговай вайгялень максомать пингста. Тядде одкстоптфт Великай Отечественнай войнань геройхнень бюстсна и «Звезда» арт-объектсь. Стане жа полафтфт брусчаткась и асфальтсь, ладяфт од эземнят, урнат и перяфкст. Аллеять инь вярцек вастсонза мазоптф кафкса колонна мархта ротонда.Общественнай вастть эсь лацонь ширец—валдоптомась. Центральнай куцеманятнень кувалмос ладяфт российскяй флагть тюсса палы RGB-подсветка мархта столбанят. Сембе устройстватне тифт инновационнай материалста.Аллеяса озафтф 120 од шуфтоня и кусторкскя, мезсь тиендьсы вастть аф аньцек мазыкс, но и экологическяй ширде арукс.Тяда башка, общественнай территориять лангса ладяфт видеокамерат, конат полатфт «Аф пелькс ош» системати.Славань Аллеяса ётафневихть ошень и райононь мероприятият, сидеста—патриотическяйхть. Маластонза Ленинонь ульцянц эзга центральнай магистральсь стане жа ламода полафты. Тиеви реконструкция кити, ялга якамань кинятненди, валдоптомати и ведень нолдамань системати. 2025 кизоня ушедови Привокзальнай площадть петемац-мазоптомац.
Газета "Мокшень правда"
РУЗАЕВКАСА ОДКСТОПТФ СЛАВАНЬ АЛЛЕЯСЬ
Рузаевкань эряйхненди тяни ули кода якамс-шяямс одкстоптф Славань Аллеява, кона ащи Куйбышевонь лемса ульцяса. Общественнай тя вастть петемац-тиемац шумордавсь тяддень сентябрьста, работатне мольфтевсть «Жильё и городская среда» национальнай проектонь «Формирование комфортной городской среды» федеральнай проектть коряс.
Славань Аллеять петеманц-мазоптоманц колга решениять Рузаевкань эряйхне примазь Всероссийскяй рейтинговай вайгялень максомать пингста. Тядде одкстоптфт Великай Отечественнай войнань геройхнень бюстсна и «Звезда» арт-объектсь. Стане жа полафтфт брусчаткась и асфальтсь, ладяфт од эземнят, урнат и перяфкст. Аллеять инь вярцек вастсонза мазоптф кафкса колонна мархта ротонда.
Общественнай вастть эсь лацонь ширец—валдоптомась. Центральнай куцеманятнень кувалмос ладяфт российскяй флагть тюсса палы RGB-подсветка мархта столбанят. Сембе устройстватне тифт инновационнай материалста.
Аллеяса озафтф 120 од шуфтоня и кусторкскя, мезсь тиендьсы вастть аф аньцек мазыкс, но и экологическяй ширде арукс.
Тяда башка, общественнай территориять лангса ладяфт видеокамерат, конат полатфт «Аф пелькс ош» системати.
Славань Аллеяса ётафневихть ошень и райононь мероприятият, сидеста—патриотическяйхть. Маластонза Ленинонь ульцянц эзга центральнай магистральсь стане жа ламода полафты. Тиеви реконструкция кити, ялга якамань кинятненди, валдоптомати и ведень нолдамань системати. 2025 кизоня ушедови Привокзальнай площадть петемац-мазоптомац.