Федорушкань Цёразо

http://bit.ly/3qybg7n Слова: #СерафимаЛюлякинаАвтор

#НеСпетыеАвторские
Федорушкань цёранзо
Урьвакстома поразо.
Вирь чувтошка сэрезэ,
Ансяк мезе лезэзэ?
Косояк азь кунце тевс,
Ансак кшинть сон стяко сэвсь.
Якась ошов, течи-ванды...
Тосо стяко тунь а андыть.
Ошонь мазый ресторансо
Сон симинзе ярмашканзо.
Цела недля сон лытась,
Мейле мекев кудов сась.
Веньберть чийни, уды чить,
Ава пани тензэ кшить.
Тетя кирди коронзо,
Ава жали церанзо:
— А мейс цёранть чумондомс
Эряви сон урьвакстомс.
Мольсь Федора Терянень:
— Максынк Натань Сёманень!
— Мон а максса тейтерем
Симицянень, нузякснэнь,
Сон а вечки роботамо —
Кода карми пакшань трямо?
Мейле якась Хоманень:
— Максынк Катянь Сёманень.
— Паро цёрат улевель —
Катя киштезь туевель.
Васня тонавтык эрямо,
Рана стямо, роботамо,
Эсь сускомонь наживамо,
Тетя-аванень лездамо.
Сестэ мерян теть, Федора,
Тонтeмeтькак муи пола.
А ней мерян теть, Федора,
Берянь эстеть кастат цёра!
Источник: https://www.worldcat.org/title/tonet-mordovijam-moram-morot/oclc/633693839