Ёр аз дили ман хабар надорад.

Ё оҳи дилам асар надорад.
Ё мавсими сабри ман хазон шуд.
Ё нахли умед бар надорад.
Ё домани раҳми ту тилисм аст.
Ё нолай ман шарар надорад.
Ё тири ту бе зарар ниҳони.
Ё синай дил сипар надорад.
Ҷуз ишқ ҷаҳон ҳунар надорад.
Ё дил ҳунари дигар надорад.
Ё чашми ту бо дилам рақиб аст.
Ё шири сияҳ хатар надорад.
Ё бар рухи ман намешавад бус.
Ё қалб аз ин бахт дар надорад.