Аз ғамат, ай нозанин, азми сафар мекунам,

Қиблаи худ баъд аз ин сӯйи дигар мекунам.
Мераваму мебарам доғи ҷафоят ба хеш,
Ҳаҷру висоли туро хок ба сар мекунам.
Аз ғамат, ай нозанин, азми сафар мекунам,
Қиблаи худ баъд аз ин сӯйи дигар мекунам.
То нахӯрад дигаре боз фиреби туро,
Дар ҳама ҷо аз ғамат ғулғула сар мекунам.
Аз ғамат, ай нозанин, азми сафар мекунам,
Қиблаи худ баъд аз ин сӯйи дигар мекунам.
Қиссаи ҷаври туро, ай бути ноошно,
Бо дили пурғуссаву дидаи тар мекунам.
Аз ғамат, ай нозанин, азми сафар мекунам,
Қиблаи худ баъд аз ин сӯйи дигар мекунам.