Իսպանական Marca-ն հաշվարկել է, թե ինչ ազդեցություն է թողնում Լիոնել Մեսիի խաղը «Բարսելոնայի» ցուցադրած արդյունքների վրա: Հիշեցնենք, որ Լա Լիգայի 26-րդ տուրի խաղում Մեսին դարձավ երկու գոլի և երկու գոլային փոխանցման հեղինակ՝ օգնելով իր թիմին 5-0 հաշվով հաղթել «Սելտային»:Այսպիսով, Լիոնել Մեսին մասնակցել է այս մրցաշրջանում «Բարսելոնայի» խփած 122 գոլերի 42%-ին: Արգենտինացին 37 խաղում խփել է 38 գոլ և կատարել 15 գոլային փոխանցում:29-ամյա հարձակվողը նաև առաջին տեղում է Իսպանիայում այն խաղերի թվով, որում նա դարձել է և՛ գոլի, և՛ գոլային փոխանցման հեղինակ: Մեսին 9 այդպիսի հանդիպում է անցկացրել: