ПЛАТФОРМА «ГОЛАС» ВІНШУЕ ЎСІХ БЕЛАРУСАЎ З ДНЁМ ВОЛІ!

📆103 гады таму, 25 сакавіка, была абвешчана незалежнасць Беларускай Народнай Рэспублікі. Гэта дзень, калі беларусы заявілі на ўвесь свет пра сваё жаданне жыць у самастойнай і незалежнай дзяржаве. Без гэтай падзеі не было б БССР як асобнай рэспублікі ў складзе СССР, і не было б сучаснай Беларусі як незалежнай дзяржавы. Менавіта таму мы адзначаем гэты дзень як сапраўднае свята.
🗣 Сёння, як і 103 гады таму, беларусы і зноў заяўляюць уголас пра сябе.
Дзякуй усім вам, хто выбірае незалежную краіну, хто выбірае сумленную дзяржаву, хто выбірае Беларусь. Здаецца, адзін клік на тэлефоне — гэта мала, але адначасова шмат. Маленькія крокі цэлай нацыі робяць гістарычныя перамены. І нішто не можа гэтаму перашкодзіць.
Рэжым толькі спрабуе няўклюдна замінаць выяўленню волі народа праз блакіроўку доступу да сайта «Голаса», запужванне людзей, распаўсюджванне фэйкаў і спам-рассылак — усё гэта іх метады. Але нягледзячы на гэта, неверагодная колькасць галасоў за мірнае вырашэнне крызісу і свабоду ўжо сабраная на «Голасе» — 750 тысяч галасоў беларусаў.
‼️Мы не спыняемся, галасаванне працягваецца далей і не мае даты заканчэння ‼️
📝Наш інструмент — мірны і сумленны, гэта наш голас. Платформа «Голас» была створана натхнёнымі беларусамі-валанторамі з любоўю да Беларусі. Мы, як і кожны неабыякавы беларус, імкнемся зрабіць Беларусь свабоднай, а жыццё беларусаў годным. Дзеля гэтага мы і абралі свой шлях: празрысты і сумленны інструмент дэманстрацыі волі народа — «Голас».
Разам з вамі мы ўжо дамагліся істотных перамог — даказалі фальсіфікацыі на выбарах, паспрыялі адмене чэмпіянату свету па хакеі ў Беларусі, легітымізавалі Каардынацыйную Раду для ўсяго свету, ды яшчэ шмат чаго. Нават пасля выбараў прэзідэнта мы працягваем нашу дзейнасць на карысць Радзімы.
❗️Зараз на «Голасе» ідзе самае маштабнае і важнае галасаванне са жніўня 2020. Галасаванне за волю, за мір, за будучыню, за годнасць, за права быць гаспадарамі на ўласнай зямлі.
У нашых сілах паўплываць на падзеi і мірна вырашыць палітычны крызіс у Беларусі. Для гэтага важна выказаць сваё меркаванне праз галасаванне. Гэта бяспечна, ананімна і дзейсна.
✊Сёння, як і 103 гады таму, мы выступаем у абарону сваёй Волі.
Прагаласуйце за мірнае вырашэнне крызісу ў Беларусі:
📌Telegram: https://telegram.me/golosby_bot 📌Viber: http://bit.ly/golos-vb