Унікальныя здымкі краявідаў и будынкаў Заходняй Беларусі захаваныя для нашчадкаў.

Тэафіл Эўгеніюш Барэці (польск. Teofil-Eugeniusz Boretti) — польскі і беларускі фотамастак-пейзажыст.
Нарадзіўся 17 снежня 1860, у Варшаве. Асвоіў фатаграфію, займаўся ёю прафесійна. У 1881, адкрыў фотаатэлье ў Мінску.
Шмат падарожнічаў па беларускіх гарадах і іх наваколлях, здымаў. На яго фатаграфіях — Навагрудак, Нясвіж, Слуцк, Завоссе і інш. месцы. Шчыра палюбіў Беларусь, фатаграфаваў яе маёнткі і замкі, палацы і сялянскія сядзібы, чароўныя рамантызаваныя краявіды мемарыяльных мясцін, звязаных з Адамам Міцкевічам, Радзівіламі, іншымі знакамітымі людзьмі.
Памёр заўчасна у Польшчы 26 мая 1910 (49 гадоў).
У 2016—2017 у Мінску, у Нясвіжы, у Навагрудку прайшлі выставы фатаграфій Барэці «Краявіды родных мясцін Адама Міцкевіча». Бясцэннае значэнне маюць фатаграфіі інтэр'ераў дамоў для аднаўлення і рэстаўрацыі.
На здымках 1894 года: Сядзіба Несялоўскіх у Варончы (цяпер аг у Карэліцкім раёне), Давыд-Гарадок, краявіды (цяпер Столінскі раен), Палац Чапскіх у Сваятычах (цяпер вёска ў Ляхавіцкім раёне), 5 пяць здымкаў у Нясвіжы: Нясвіжская ратуша, інтэр’еры Нясвіжскага палаца, Палац Радзівілаў у Радзівілімонтах (цяпер Чырвоная Зорка Клецкага раена — помнік архітэктуры рэспубліканскага значэння. Знаходзіцца ў зруйнаваным стане), два здымкі Туганавіцкага парку (Туганавіцкі парк — палаца-паркавы ансамбль за кіламетр ад Карчова Баранавіцкага раёна) і Палац Храптовічаў у Шчорсах (цяпер аг. у Навагрудскім раёне).