- Старажытны горад Друцк! Кожнаму, хто ведае беларускую гісторыю, гэтая назва нагадвае многае. Калісьці князі друцкія і князі мінскія змагаліся за права на полацкі стол; Друцк бачыў пад сваімі сценамі не толькі полацкіх і мінскіх князёў, але і Уладзіміра Манамаха, і сына яго Мсціслава Вялікага, і нават героя «Слова аб палку Ігаравым» Ігара Святаславіча. Непрыступнай крэпасцю стаяў Друцк у XI—XII ст. ст., а потым некуды «знік», бы праваліўся, І пра яго забылі, амаль назаўсёды...