*ИССИҚ КИЙИНИБ ОЛ*

Исмимни шивирлаб айтса лабларинг,
Қулоғим тинмаса сенинг сасингдан.
Қани олсам сенинг дарду ғамларинг,
Бахт уфириб турса хар нафасингдан.
Борлиқ гўзаллашиб нурларга тўлар,
Кулгичим юзингда акс этиб турса.
Келсанг, йўлинг муштоқ гулларга тўлар,
Гуллар ҳам парвона ифоринг келса.
Осмонга қарагин тунда парвона,
Ой сенга тикилиб турибдими а?
Мен сени соғиниб, соғинчдан ёна,
Ойдан сенга боқиб турибман қара.
Оз қолди, азизам яна озгина,
Бизни кутиб турар, биз кутган дийдор.
Кўзлар сухбатлашар, мехр, таъфт ила,
Масофалар бизга бўлади бекор.
Қарагин, деразанг ортига бир бор,
Тилларанг баргларни ювар ёмғирлар.
Иккимиз сайрга чиқамиз илк бор,
Иссиқ кийиниб ол, совиди кунлар.
Иссиқ кийиниб ол, совиди кунлар...