Կան կանայք, որոնց մեջ զգացվում է ազնվացեղը։ Նրանք հետք են թողնում բոլոր նրանց ճակատագրի վրա, ում հանդիպում են կյանքում։ Նրանց յուրահատուկ հայացքում կարելի է սուզվել, խեղդվել, այն ձգում է ինչպես անհատակը։ Նրանց հոգին նման է անսահման օվկիանի։ Նրանք հնարամիտ են, նպատակասլաց։ Իրենց թուլություննրը թաքցնում են հարյուր կողպեքի տակ` օտարի աչքից հեռու։ Մի ժպիտով կարող են քեզ ոտքի կանգնեցնել ու մի շնչով տապալել։Նրա շրջապատող ամեն ինչ բարձրաճաշակ է, նուրբ, առանց ավելորդությունների։ Ազնվացեղ ամեն ինչում` մատներից մինչև մազերի ծայրը, անգամ ձայնը` փշաքաղվելու աստիճան փափուկ կամ զրնգուն ծիծաղով։ Քեզ միշտ չի հերիքելու նրա ներկայությունը, քանի որ նման կնոջ մասին միտքն անգամ ալեկոծելու է քո գիտակցությունը։ Նա օրհնություն է ու անեծք, թույն ու հակաթույն նույն սրվակում։ Երբ նա հեռանա, քեզ կթվա, որ դա ցուրտ գիշերվանից առաջ վերջին մայրամուտն էր, ու էլ արևագալ չի լինելու։

•Անի•