Ես ամենուրեք քեզ եմ որոնում,

Եվ փափագում եմ` տեսնել քեզ իմ դեմ,
Որ քո հայացքը շոյի մարմինս,
Որ քո շուրթերից հնչի անունս,
Որ քո ձեռքերը` ուժե՜ղ, առնակա՜ն,
Ամուր գրկեն ինձ ու տանեն հեռու:
Որ քո այդ հեռվում, ես ու դու միայն,
Վայելե՜նք, գգվե՜նք, սիրե՜նք իրարու:
Դու ամենուրեք ինձ ես որոնում,
Եվ փափագում ես` տեսնել քո առջև,
Որ իմ հայացքը հառեմ աչքերիդ,
Որ իմ շուրթերով հպվեմ շուրթերիդ,
Որ իմ ձեռքերով շոյեմ քո դեմքը,
Եվ իմ գոյությամբ լցնեմ քո կյանքը:
Ասում են` քաղցր է արգելված պտուղը,
Գուցե, հենց դա՞ է կրքի աղբյուրը,
Չէ՞ որ մենք գիտենք, որ երբե՜ք, երբե՜ք,
Չենք ունենալու մեր սիրո բույնը:
Ես ամենուրեք քեզ կորոնեմ,
Դու ամենուրեք ինձ կորոնես,
Գուցե մի օր էլ հանդիպենք հանկարծ,
Չէ՞ որ ասում են.
_Եթե լա՛վ փնտրես` հաստա՛տ կգտնես: