Станислав Иванов былырыын Дьарыктаах буолуу киинин нөҥүө кондитер үөрэҕин бүтэрэн, быйыл Социальнай харалта управлениетын кытары социальнай контракт түһэрсэн мөлүйүөн аҥара солкуобайы ылан дьоҕус астыыр сыаҕын бүгүн үөрүүлээх арыллыыта буолла.📎 Күн бүгүн социальнай контрагынан Ньурба улууһугар 23 киһи туһанна, бу сылга үктэнэн баран бэлиэр 4-с киһи бэйэ дьыалатын тэриннэ.💬 Станислав Иванов бэйэтэ биэкэр, повар уонна кондитер идэлээх. Бизнес-былаанын көмүскээн, көрүллүбүт харчынан анал оборудование атыылаһан аҕалтаран сакааска ас арааһын астыыр.Күн аайы сарсыарда 4 ч туран астаан саҕалыыбын. Араас аһы барытын сакаастыыллар, бэйэбит төрүт аспытыттан саҕалаан азия кухнятыгар тиийэ астыахпын сөп. Эрдэ түргэнник оҥоһуллар аһынан дьарыктанар этим, ”Стасбургер” диэн дьоҥҥо биллэр брендтээхпин. Бэйэм астыырбын олус сөбүлүүбүн. Социальнай контракка хапсарбар күүс-көмө буолбут исписэлиистэргэ улаханнык махтанабын. Бу курдук социальнай контракт баара олус наадалаах уонна туһалаах.- диэн Станислав Иванов санаатын үллэстэр. Урбаанньыт дьоҕус астыыр сыаҕын таһынан бэйэтэ социальнай ситимнэргэ блогтаах, онно араас ырысыаптары таһынан үүнээйи олордуутун кистэлэҥнэрин үллэстэр эбит.Үөрүүлээх түгэнинэн Станислав Михайлович Иванову Ньурба улуус дьаһалтатын персоналы салайар сулууспатын салайааччыта Ольга Афанасьева, Депутаттар Сэбиэттэрин бэрэссэдээтэлэ Нюргуяна Михайлова, Ньурба куорат баһылыгын солбуйааччыта Мария Куличкина, социальнай харалта управлениетын салайааччыта Ирина Находкина, Дьарыктаах буолуу киинин салайааччыта Сахая Столярова эҕэрдэлээтилэр.✍🏻 Лена Петрова.
🍔🎂 Социальнай контракт көмөтүнэн Ньурбаҕа дьоҕус астыыр сыах арылынна
Станислав Иванов былырыын Дьарыктаах буолуу киинин нөҥүө кондитер үөрэҕин бүтэрэн, быйыл Социальнай харалта управлениетын кытары социальнай контракт түһэрсэн мөлүйүөн аҥара солкуобайы ылан дьоҕус астыыр сыаҕын бүгүн үөрүүлээх арыллыыта буолла.
📎 Күн бүгүн социальнай контрагынан Ньурба улууһугар 23 киһи туһанна, бу сылга үктэнэн баран бэлиэр 4-с киһи бэйэ дьыалатын тэриннэ.
💬 Станислав Иванов бэйэтэ биэкэр, повар уонна кондитер идэлээх. Бизнес-былаанын көмүскээн, көрүллүбүт харчынан анал оборудование атыылаһан аҕалтаран сакааска ас арааһын астыыр.
Күн аайы сарсыарда 4 ч туран астаан саҕалыыбын. Араас аһы барытын сакаастыыллар, бэйэбит төрүт аспытыттан саҕалаан азия кухнятыгар тиийэ астыахпын сөп. Эрдэ түргэнник оҥоһуллар аһынан дьарыктанар этим, ”Стасбургер” диэн дьоҥҥо биллэр брендтээхпин. Бэйэм астыырбын олус сөбүлүүбүн. Социальнай контракка хапсарбар күүс-көмө буолбут исписэлиистэргэ улаханнык махтанабын. Бу курдук социальнай контракт баара олус наадалаах уонна туһалаах.
- диэн Станислав Иванов санаатын үллэстэр. Урбаанньыт дьоҕус астыыр сыаҕын таһынан бэйэтэ социальнай ситимнэргэ блогтаах, онно араас ырысыаптары таһынан үүнээйи олордуутун кистэлэҥнэрин үллэстэр эбит.
Үөрүүлээх түгэнинэн Станислав Михайлович Иванову Ньурба улуус дьаһалтатын персоналы салайар сулууспатын салайааччыта Ольга Афанасьева, Депутаттар Сэбиэттэрин бэрэссэдээтэлэ Нюргуяна Михайлова, Ньурба куорат баһылыгын солбуйааччыта Мария Куличкина, социальнай харалта управлениетын салайааччыта Ирина Находкина, Дьарыктаах буолуу киинин салайааччыта Сахая Столярова эҕэрдэлээтилэр.
✍🏻 Лена Петрова.