Ньурбаттан Дора Бурнашева «Көрөөччү биһирэбилэ» кыайыылааҕа буолла

✨Муус устар 27 күнүгэр «Саха» НКИХ X-ус үбүлүөйнэй «Эн сулускун 2024» бырайыак түмүк биэриитэ буолла.
Финалга тахсыбыт 6 кыттааччы дуэтынан толоруулара буолла. Дора Бурнашева Эллэй тылларыгар Владимир Литвинов матыыбыгар «Ньурба тиитэ» ырыаны ньурбалар биир дойдулаахпыт, СӨ норуодунай артыыһа Александр Емельяновтыын толордулар. Соҕотохтуу толорууга ырыаһыт саҥа айыллыбыт ырыаны көрөөччү иннигэр толоруохтаах. Дора Бурнашева төрөппүт аҕата Гаврильев Илларион Виссарионович суруйбут хоһоонугар, Инна Донская матыыбыгар «Сулустарга тиийдэрбин» диэн ырыаны толордо.
Дьүүллүүр сүбэ күүтүүлээх түмүгү таһаарда. Дора Илларионовна Бурнашева 1850 куолаһы ылан, «Көрөөччү биһирэбилэ» кыайыылааҕа буолан, 50 000 сэртипикээтин эн наҕараадаланна.👏👏👏💐💐💐
Дора Бурнашева:
«Кыттааччылар бары күүстэхтэр.Ким баҕарар кыайыан сөп дии саныыр этим. Куоластааһыҥҥа кыайыам диэн бэйэбэр эрэнэр этим»- диэн куйаар ситим нөҥүө санаатын үллэһиннэ.
Биир дойдулаахпытыгар Дора Бурнашеваҕа кэрэ куолаһыҥ ыраахха диэри дуорайдын, айар аартыгын сулус буолан сандаардын диэн баҕа санаабытын тиэрдэбит.
Антонина Семенова.