Бүгүн, ыам ыйын 8 к., Ньурба улууһун дьаһалтатын иннигэр Кыайыы Знамятын көтөҕүү үөрүүлээх сиэрэ-туома ыытылынна. Өрөгөйдөөх быһыыга-майгыга Артур Кузьмин, Игорь Герасимов уонна Айсиэн Иванов Улуу Кыайыы былааҕын таһааран улуус дьаһалтатын дьиэтин үрдүгэр күөрэттилэр.Улуу Кыайыы 79-с сылынан эҕэрдэлээн, улуус баһылыга Алексей Иннокентьев, улуус Сүбэтин бэрэссэдээтэлэ Нюргуяна Михайлова, Ньурба куорат баһылыга Геннадий Игнатьев уонна улуустааҕы бэтэрээннэр Сэбиэттэрин бэрэссэдээтэлэ Татьяна Олесова тыл эттилэр. Тэрээһини Ньурбатааҕы Искусство оскуолатын дириэктэрэ, СӨ үтүөлээх артыыһа Илья Николаев Кыайыы туһунан ырыата, байыаннай таҥастаах үрдүкү кылаас оҕолорун холуонналарын параада киэргэттилэр. Параады “Искра” байыаннай-патриотическай кулууп салайааччыта, А.Н.Чусовской аатынан Ньурбатааҕы техлицей учуутала Игорь Попов хамаандалаата.1-кы Белорусскай фронт 3-с охсуулаах аармыйатын 79-с стрелковай куорпуһун Кутузов 2-с истиэпэннээх уордьаннаах 150-с Идрицкэй дивизиятын Кыһыл былааҕын албан аатырбыт буойуннар Алексей Берест, Михаил Егоров уонна Мелитон Кантария 1945 с. ыам ыйын 1 к. Рейстаг үрдүгэр ыйаабыттара. Бу былаах Аҕа дойду Улуу сэриитигэр биһиги дойдубут элбэх омуктаах норуотун Улуу кыайыытын бэлиэтинэн буолар.Бу күннэргэ Улуу Кыайыы 79 сылыгар аналлаах, киэҥ былааннаах бырааһынньыктааҕы тэрээһиннэр салҕаналлар.✍🏻 Геннадий Антонов.
Газета Ньурба
🚩 Ньурба үрдүгэр Кыайыы былааҕа кытыаста тэлээрдэ
Бүгүн, ыам ыйын 8 к., Ньурба улууһун дьаһалтатын иннигэр Кыайыы Знамятын көтөҕүү үөрүүлээх сиэрэ-туома ыытылынна. Өрөгөйдөөх быһыыга-майгыга Артур Кузьмин, Игорь Герасимов уонна Айсиэн Иванов Улуу Кыайыы былааҕын таһааран улуус дьаһалтатын дьиэтин үрдүгэр күөрэттилэр.
Улуу Кыайыы 79-с сылынан эҕэрдэлээн, улуус баһылыга Алексей Иннокентьев, улуус Сүбэтин бэрэссэдээтэлэ Нюргуяна Михайлова, Ньурба куорат баһылыга Геннадий Игнатьев уонна улуустааҕы бэтэрээннэр Сэбиэттэрин бэрэссэдээтэлэ Татьяна Олесова тыл эттилэр. Тэрээһини Ньурбатааҕы Искусство оскуолатын дириэктэрэ, СӨ үтүөлээх артыыһа Илья Николаев Кыайыы туһунан ырыата, байыаннай таҥастаах үрдүкү кылаас оҕолорун холуонналарын параада киэргэттилэр. Параады “Искра” байыаннай-патриотическай кулууп салайааччыта, А.Н.Чусовской аатынан Ньурбатааҕы техлицей учуутала Игорь Попов хамаандалаата.
1-кы Белорусскай фронт 3-с охсуулаах аармыйатын 79-с стрелковай куорпуһун Кутузов 2-с истиэпэннээх уордьаннаах 150-с Идрицкэй дивизиятын Кыһыл былааҕын албан аатырбыт буойуннар Алексей Берест, Михаил Егоров уонна Мелитон Кантария 1945 с. ыам ыйын 1 к. Рейстаг үрдүгэр ыйаабыттара. Бу былаах Аҕа дойду Улуу сэриитигэр биһиги дойдубут элбэх омуктаах норуотун Улуу кыайыытын бэлиэтинэн буолар.
Бу күннэргэ Улуу Кыайыы 79 сылыгар аналлаах, киэҥ былааннаах бырааһынньыктааҕы тэрээһиннэр салҕаналлар.
✍🏻 Геннадий Антонов.