🚩Улуу Кыайыы күнүн көрсө, ыам ыйын 8 күнүгэр Кыайыы Болуоссатыгар үгэскэ кубулуйбут "Өйдөбүл төлөнө" аахсыйа буолла.Тэрээһиҥҥэ сэрии толоонугар эйэлээх халлаан иһин олохторун толук уурбут хорсун буойуттарбыт сырдык ааттарыгар сүгүрүйэн сүүһүнэн киһи муһунна.🪖🕯️ Ньурба оройуонуттан сэрии толоонугар 1153 киһи сырдык тыына быстыбыта, оттон тыылга 3506 киһи хоргуйан, ыалдьан олохтон туораабыттара. Онон уопсайа Ньурбаттан 4659 киһи сырдык тыына быстыбыта.💬 Бу киэһэ аҕаларын, эһээлэрин, хос эһээлэрин, Дьоппуон сэриитин кыттыылааҕа Яковлев Михаил Львович сырдык аатыгар сүгүрүйэн халыҥ аймахтара аахсыйаҕа кытыннылар.Михаил Львович кыра кыыһа Лидия Михайловна Буслаева:Биһиги дьиэ кэргэн "Өйдөбүл төлөнө" аахсыйаны хаһан даҕаны көтүппэппит. Бүгүн 3 кыыһа оҕолорбутун, сиэннэрбитин илдьэ кэллибит. Эйэлээх халлаан иһин уоттаах сэриигэ хорсуннук кыргыспыт аҕабыт өрүү биһиги сүрэхпитигэр тыыннаах.Бүгүн Ньурбаҕа сүүһүнэн чүмэчи сылаас төлөнө сандаара умайда.✍🏻 Лена Петрова.
Газета Ньурба
🕯️Ньурбаҕа "Өйдөбүл төлөнө" аахсыйаҕа сүүһүнэн киһи муһунна
🚩Улуу Кыайыы күнүн көрсө, ыам ыйын 8 күнүгэр Кыайыы Болуоссатыгар үгэскэ кубулуйбут "Өйдөбүл төлөнө" аахсыйа буолла.
Тэрээһиҥҥэ сэрии толоонугар эйэлээх халлаан иһин олохторун толук уурбут хорсун буойуттарбыт сырдык ааттарыгар сүгүрүйэн сүүһүнэн киһи муһунна.
🪖🕯️ Ньурба оройуонуттан сэрии толоонугар 1153 киһи сырдык тыына быстыбыта, оттон тыылга 3506 киһи хоргуйан, ыалдьан олохтон туораабыттара. Онон уопсайа Ньурбаттан 4659 киһи сырдык тыына быстыбыта.
💬 Бу киэһэ аҕаларын, эһээлэрин, хос эһээлэрин, Дьоппуон сэриитин кыттыылааҕа Яковлев Михаил Львович сырдык аатыгар сүгүрүйэн халыҥ аймахтара аахсыйаҕа кытыннылар.
Михаил Львович кыра кыыһа Лидия Михайловна Буслаева:
Биһиги дьиэ кэргэн "Өйдөбүл төлөнө" аахсыйаны хаһан даҕаны көтүппэппит. Бүгүн 3 кыыһа оҕолорбутун, сиэннэрбитин илдьэ кэллибит. Эйэлээх халлаан иһин уоттаах сэриигэ хорсуннук кыргыспыт аҕабыт өрүү биһиги сүрэхпитигэр тыыннаах.
Бүгүн Ньурбаҕа сүүһүнэн чүмэчи сылаас төлөнө сандаара умайда.
✍🏻 Лена Петрова.