☀️ Ыам ыйын 22күнүгэр Чуукаарга, этэҥҥэ күөххэ үктэммиппитинэн, самаан сайын сатыылаабытынан үгэс быһыытынан түөлбэлэр түбэлэринэн түмсэн Аар айылҕаҕа сүгүрүйэн алаадьылаан ,саламааттаан аартыктарын аһатан ,арчылаан саҕалаатылар.

Баҕалаах дьон мустан Сэргэн Лэкээрин салайыытынан Сэттэ Ытык Мыраан түбэтигэр алгыстаах хаамыыга сылдьан, кырыа кыһыны этэҥҥэ туораабыппытыгар Айыыларга махтанан,үүнэр сайыммыт быйаҥнаах буоларыгар көрдөһөн Аар Кудук хатыҥҥа салама ыйааһынын сиэрин туомун толордулар.
Ол кэннэ Иннокентьев П.П.аатынан култуура уонна сынньалаҥ пааркатыгар тиийэн көрдөөх күрэхтэргэ кыттан оонньоон- көрүлээн олус сэргэх тэрээһин буолла . Мустубуттары Аҕа баһылык Артур Юрьевич сайыммыт саҕаламмытынан эҕэрдэлээн өрүү маннык көхтөөх буолрбытыгар ыҥырда.
Кэлбиттэри олохтоох дьаһалта уонна кулууп үлэһиттэрэ”Кус миинэ” аахсыйа чэрчитинэн кутааҕа буспут кус миининэн, ону тэҥэ сыалаах эти хороччу хоторон күндүлээтилэр. Бары толору астаах остуол тула күө –дьаа кэпсэтэн, үөрэн дуоһуйа сынньанан тэрийээччилэргэ махтанан тарҕастылар.
✍🏻 Надежда Казакова, Чуукаар.