Бүгүн улуус оскуолаларыгар «Тиһэх чуораан» ыытылынна. Быйылгы үөрэх дьылын улуус үрдүнэн 9 кылааһы – 425 уонна 11 кылааһы 206 оҕо, ол иһигэр Степан Васильев аатынан Ньурбатааҕы элбэх хайысхалаах гимназия 9-с кылааһын – 68 уонна 11 кылааһын 38 оҕо үөрэнэн бүтэрэр. Ол иһигэр кыһыл көмүс мэтээлгэ кандидат Лилия Алексеева уонна 9-с кылааһы туйгун сыаналардаах аттестатынан бүтэрбит 5 оҕо бааллар.Үөрүүлээх тэрээһиҥҥэ оскуола 11 «а» уонна 11 «б» кылаастарын выпускниктара оскуолаларын кытта быраһаайдаһар бэлиэ түгэннэригэр муусука алыптаах доҕуһуолугар уйдаран вальстаан эргичийдилэр. Оскуола дириэктэрэ Валентина Васильева, улуус баһылыгын солбуйааччыта Наталия Петрова, улуустааҕы үөрэх салалтатын салайааччыта Федор Ушканов, Ньурба к. Уопсастыбаннай эйгэлэрин сайыннарыыга дириэксийэтин салайааччыта Саргылана Седалищева уо.д.а. истиҥник-иһирэхтик эҕэрдэлээтилэр, оҕолорго ситиһиилэри баҕаран алгыс үтүө-мааны тылларын анаатылар.Тэрээһини «оскуола кыһыл көмүс выпуһа» — 50 сыллааҕыта Ньурба 1 №-дээх оскуолатын бүтэрбиттэр кэлэн олус киэргэттилэр, эчи, түмсүүлээхтэрэ, тэрээһиннэрэ даҕаны бэрт.Бастыҥ үөрэнээччилэр, спорка уонна уопсастыбаннай олоххо ситиһиилээх оҕолор бэлиэтэннилэр. Улуус баһылыгын, улуус дьокутааттарын Сүбэтин, Ньурба к. баһылыгын, улуустааҕы үөрэх салалтатын, оскуола Бочуотунай грамоталара, улуустааҕы ыччат дьыалатыгар уонна имидж бэлитиикэтигэр салалта Махтал суруктара, оскуола биллиилээх выпускниктарын, попечителлэрин именной стипендиялара, бэлэх-туһах туттарылынна.Кылаас төрөппүттэрэ бастакы учууталларыгар, улахан олоххо атаарар кылаастарын салайааччыларыгар, учууталларга истиҥ-иһирэх махталларын анаатылар. Бу күн оскуоланы быйыл бүтэрэн улахан олоххо үктэнэр оҕолорго элбэх үтүө өйдөбүллэри бэлэхтээтэ. Кинилэргэ эксээмэннэрин ситиһиилээхтик туттаран баҕалаах үөрэхтэригэр киирэллэригэр, барыта этэҥҥэ буоларыгар баҕарабыт.Геннадий АНТОНОВ.
Газета Ньурба
«Тиһэх чуораан» чугдаарда
Бүгүн улуус оскуолаларыгар «Тиһэх чуораан» ыытылынна. Быйылгы үөрэх дьылын улуус үрдүнэн 9 кылааһы – 425 уонна 11 кылааһы 206 оҕо, ол иһигэр Степан Васильев аатынан Ньурбатааҕы элбэх хайысхалаах гимназия 9-с кылааһын – 68 уонна 11 кылааһын 38 оҕо үөрэнэн бүтэрэр. Ол иһигэр кыһыл көмүс мэтээлгэ кандидат Лилия Алексеева уонна 9-с кылааһы туйгун сыаналардаах аттестатынан бүтэрбит 5 оҕо бааллар.
Үөрүүлээх тэрээһиҥҥэ оскуола 11 «а» уонна 11 «б» кылаастарын выпускниктара оскуолаларын кытта быраһаайдаһар бэлиэ түгэннэригэр муусука алыптаах доҕуһуолугар уйдаран вальстаан эргичийдилэр. Оскуола дириэктэрэ Валентина Васильева, улуус баһылыгын солбуйааччыта Наталия Петрова, улуустааҕы үөрэх салалтатын салайааччыта Федор Ушканов, Ньурба к. Уопсастыбаннай эйгэлэрин сайыннарыыга дириэксийэтин салайааччыта Саргылана Седалищева уо.д.а. истиҥник-иһирэхтик эҕэрдэлээтилэр, оҕолорго ситиһиилэри баҕаран алгыс үтүө-мааны тылларын анаатылар.
Тэрээһини «оскуола кыһыл көмүс выпуһа» — 50 сыллааҕыта Ньурба 1 №-дээх оскуолатын бүтэрбиттэр кэлэн олус киэргэттилэр, эчи, түмсүүлээхтэрэ, тэрээһиннэрэ даҕаны бэрт.
Бастыҥ үөрэнээччилэр, спорка уонна уопсастыбаннай олоххо ситиһиилээх оҕолор бэлиэтэннилэр. Улуус баһылыгын, улуус дьокутааттарын Сүбэтин, Ньурба к. баһылыгын, улуустааҕы үөрэх салалтатын, оскуола Бочуотунай грамоталара, улуустааҕы ыччат дьыалатыгар уонна имидж бэлитиикэтигэр салалта Махтал суруктара, оскуола биллиилээх выпускниктарын, попечителлэрин именной стипендиялара, бэлэх-туһах туттарылынна.
Кылаас төрөппүттэрэ бастакы учууталларыгар, улахан олоххо атаарар кылаастарын салайааччыларыгар, учууталларга истиҥ-иһирэх махталларын анаатылар. Бу күн оскуоланы быйыл бүтэрэн улахан олоххо үктэнэр оҕолорго элбэх үтүө өйдөбүллэри бэлэхтээтэ. Кинилэргэ эксээмэннэрин ситиһиилээхтик туттаран баҕалаах үөрэхтэригэр киирэллэригэр, барыта этэҥҥэ буоларыгар баҕарабыт.
Геннадий АНТОНОВ.