Антоновкатааҕы олохтоох модельнай библиотекаҕа алтыс төгүлүн "Сила книги" акция ыытылынна.

Эрдэ улахан киһи оҕолорго ааҕар буоллаҕына, бу сырыыга СР Оҕо сылыгар анаан кинигэни оҕолор аахтылар.
"За вклад в социально-экономическое развитие Октябрьского наслега" бэлиэлээх олохтоохпут, РФ үлэтин ветерана, РФ доруобуйа харыстабылын туйгуна, РФ суруйааччыларын союһун чилиэнэ, Антоновкатааҕы "Кыраһа", онтон да атын үгүс айар түмсүү чилиэнэ, үйэтин тухары медсестранан үлэлиир Ольга Софронова - Суһум айымньытын 6 "в" кыл. үөрэнээччилэрэ Женя Афанасьев, Камилла Васильева библиотекаҕа кэлбит ыалдьыттарга ааҕан иһитиннэрдилэр. Автор Ольга Васильевна үөрэн туран оҕолорго, библиотекаҕа кинигэлэрин бэлэх уунна, библиотекаттан эмиэ эҕэрдэ тутта.
Истээччилэр айымньы ырыттылар, Суһум туһунан кэпсээтилэр, оҕолор кинигэни уһулуччу ааҕалларын, театральнай студияҕа дьарыктаналларын бэлиэтээтилэр.
Библиотека күнүгэр ыытыллыбыт тэрээһиҥҥэ кыттыыны ылбыт женсовет актива биир киэн туттар кэрэ аҥары кытары Суһумнуун кэпсэтэ, сэһэргэһэ хааллылар.
Нэһилиэк дьаһалтатын пресс-киинэ.