ЕВАНГЕЛИЕ ЧТЕНИЕ

#Приход #НинаРавноапостольная
Иисýсъ же прéжде шести́ днíй пáсхи прiи́де въ Виѳáнiю, идѣ́же бѣ́ лáзарь умéрый, егóже воскреси́ от мéртвыхъ. Сотвори́ша же емý вéчерю тý, и мáрѳа служáше: лáзарь же еди́нъ бѣ́ от возлежáщихъ съ ни́мъ. Марíа же прiéмши ли́тру ми́ра нáрда писти́ка многоцѣ́нна, помáза нóзѣ Иисýсовѣ, и отрé власы́ свои́ми нóзѣ егó: хрáмина же испóлнися от вони́ мáсти благовóнныя. Глагóла же еди́нъ от учени́къ егó, Иýда Си́моновъ Искарióтскiй, и́же хотя́ше егó предáти: чесó рáди ми́ро сié не прóдано бы́сть на трiéхъ стѣ́хъ пѣ́нязь и данó ни́щымъ? Сié же речé, не я́ко о ни́щихъ печáшеся, но я́ко тáть бѣ́, и ковчéжецъ имѣ́яше, и вметáемая ношáше. Речé же Иисýсъ: не дѣ́йте ея́, да въ дéнь погребéнiя моегó соблюдéтъ é: ни́щыя бо всегдá и́мате съ собóю, менé же не всегдá и́мате. Разумѣ́ же нарóдъ мнóгъ от иудéй, я́ко тý éсть: и прiидóша не Иисýса рáди тóкмо, но да и лáзаря ви́дятъ, егóже воскреси́ от мéртвыхъ. Совѣщáша же архiерéе, да и лáзаря убiю́тъ, я́ко мнóзи егó рáди идя́ху от иудéй и вѣ́роваху во Иисýса. Во ýтрiй же дéнь нарóдъ мнóгъ пришéдый въ прáздникъ, слы́шавше, я́ко Иисýсъ грядéтъ во Иерусали́мъ, прiя́ша вáiа от Фи́никъ, и изыдóша въ срѣ́тенiе емý, и звáху глагóлюще: осáнна, благословéнъ гряды́й во и́мя Госпóдне, Цáрь Изрáилевъ. Обрѣ́тъ же Иисýсъ осля́, всѣ́де на нé, я́коже éсть пи́сано: не бóйся, дщи́ Сióня: сé Цáрь твóй грядéтъ, сѣдя́ на жребя́ти óсли. Си́хъ же не разумѣ́ша ученицы́ егó прéжде: но егдá прослáвися Иисýсъ, тогдá помянýша, я́ко сiя́ бы́ша о нéмъ пи́сана, и сiя́ сотвори́ша емý. Свидѣ́телствоваше ýбо нарóдъ, и́же бѣ́ прéжде съ ни́мъ, егдá лáзаря возгласи́ от грóба и воскреси́ егó от мéртвыхъ: сегó рáди и срѣ́те егó нарóдъ, я́ко слы́шаша егó сié сотвóрша знáменiе.
#Церковь #Храм #КаменскаяЕпархия #ЕкатеринбургскаяМитрополия #Свердловская_область #МалышевскийГО #Евангелие_чтение #Истина