З пачаткам года работнікі ААТ “Бярэзінскі райаграсэрвіс” прыступілі да ўнясення вапны на палетках гаспадарак раёна.

Менавіта на гэтае сельгаспрадпрыемства ўскладзена такая важная місія.
Першым адрасам стала ААТ “Брадзец”, на гэтым тыдні вапнаванне ажыццяўлялася на палетках самога “Райаграсэрвіса”. Наступным пунктам прыкладання намаганняў стане ААТ “Пагосцкі”.
На работах задзейнічана дзве адзінкі тэхнікі – трактар МТЗ-1221 з РУМам і пагрузчык, якімі кіруюць адпаведна Анатоль Сіняк і Уладзімір Булойчык. За дзень яны ў сярэднім паспяваюць унесці каля 200 тон вапны на плошчы ў 50 гектараў. Садзейнічаюць таму майстэрства і ўменні механізатараў, а таксама і сама новая тэхніка, якую “Бярэзінскі райаграсэрвіс” атрымаў у мінулым годзе спецыяльна для выканання гэтага віду работ. https://www.berezino.by/ru/novosti/selskoe-khozyajstvo/item/36398-vapnavanne-sprava-patrebnaya