Да свята роднай мовы, якое адзначаецца 21 лютага, пад дэвізам ”Любі, шануй, ведай роднае слова“ у дзіцячай бібліятэцы прайшоў тыдзень беларускай мовы.

Для чытачоў старэйшага школьнага ўзросту была аформлена выстава ”Беларуская кніга для вас“, для малодшых школьнікаў – выстава ”Беларуская казка – уму падказка“, пасля знаёмства з якімі бібліятэкары прапаноўвалі рабятам прачытаць любімыя вершы, або ўрыўкі з твораў беларускіх аўтараў. На працягу тыдня наведвальнікі бібліятэкі таксама змаглі паўдзельнічаць у пазнавальнай гульне-віктарыне ”Беларусь –мая радзіма“, літаратурным лато ”Загадкі“. Для вучняў 7А класа ДУА ”Сярэдняя школа №1 г. Лепеля“ бібліятэкары правялі інтэлект-батл ”Мова родная – мова сэрца“, дзе рабяты, прыняўшы ўдзел у розных конкурсах, змаглі паспаборнічаць у веданні беларускай мовы.
На працягу ўсяго тыдня ў бібліятэцы гучала беларуская мова.
#гуклепельскаяцбс#лепель#книга#мова