Вялікі тэатр Беларусі ў 16-ы раз правёў традыцыйны Баль на стары Новы год.

Сёлетняй адметнасцю балю стала знікненне разгорнутай канцэртнай праграмы ў вялікай зале, што збірала ўсіх адначасова і прыкоўвала да сваіх месцаў адпаведна квіткам. Захаваліся толькі больш камерныя лакальныя канцэрты: у фае партэра выступала інструментальнае трыа “Глорыя”, у фае бельэтажа -- ансамбль салістаў аркестра тэатра А.М.А.D.I.S. Brass (у навагодніх строях!) на чале з загадчыкам трупай аркестра, знаным трубачом Дзмітрыем Гарбачуком. У Камернай зале імя Л.Александроўскай праходзіў “Блакітны агеньчык” -- двойчы за баль, каб змаглі наведаць усе, хто пажадае. Дарэчы, гэта быў не першы “пробліск святла” ў цёмныя зімовыя вечары: ягоны сваяк “Навагодні агеньчык” трывала прапісаўся ў афішы на святы, пачынаючы з 20 снежня.
Падрабязнасці чытайце ў наступным нумары газеты "Культура".